1 Dɔdɔrim, nyakasinɛ aru nyanwanɛ gbete n beerɔɔ yɛ.

Tɔ̃ɔtɔ vɔshɔ u ɔ̃ weze u tɛ so ɓa. 2 Ama aru gbete kpãntang pɛlinɛ aɗɔn bang, ko-pi vɔshɔ gbete piya u ɔ̃ a soni, a ko-pi soro gbete piya u kpaa vɔshɔtɔ. 3 Ko-pi vɔshɔ gbete piya u pɛli vi jo naa shɔwɛrɛ pɛliyɛ, soro u pɛli vi naa suu yuwɛrɛ, i ziti piti i pɛli zɔjo nɔgbete i kasiyɛ. 4 Sorou bi ɓau ɓɛɛ ɓa, ama pɛ ɓɛvɔ ɓɛɛ; sɔ̃njo nankɔ ɓɛvɔ bi ɓau ɓɛɛ ɓa, ama pɛ ɓɛso ɓɛɛ. 5 Ɔkɔɔ zãrɔɔ zɔ binɛ, see naa ɔkɛ kasinɛ ɔ pɛli aɗagbete ɔ gaki Ɗa yɛ; ama ɔ sɔɔ sɔ̃njo naa vɔshɔ a soro. A nyabankɔ ɔkɛ pɛlinɛ japɛ̃pɛ̃ɛ̃ yɛ kpaa nyaba tonɛtɔ awɔ yɛtini aru gbete ɔ jo sãwɔ yuu ɓa.