Vitasinɛ a Hajaratu a Saratu i yuu
21 N hɨ ɔ pɛ pi kasinɛn gɨn Musa nya-ãsinɛ piyaː ɔ ji nta vigbete nya-ãsinɛ shayɛ ɓaya? 22 Nya-ãsinɛ shanɛ, Ibirayi u javɔshɔ aɗɔn ziti, gbete suu foo yeerɛ, awɔ kɛ su laajaa gbete u ɓa su foo ɓa. 23 Javɔshɔ gbete yee a su foo, shɔ yeeu jo nɔgbete shɔ yeejaayɛ, ama shɔgbete yee a su gbete u ɓa foo ɓau, shɔ yeeu ɓɛɛ nɔgbete Ɗalapa mayɛ. 24 Vim kpai shɔ pɛli ayuu vi ziti: su zitimiyi ukɔ ɔ̃rɛ ruumanɛ ziti. jaa gbete shɔ yeeyi jaa fooyɛ ukɔ ɔ̃rɛ Haga ɓɛɛ jaa. ikɔyi ɔ̃rɛ ruu gbete shɔ ma a kɔpɔ Sinayiyɛ. 25 Haga ukɔ ɔ̃rɛ a nɔɔ kɔpɔ sinayi a tipi Larabawa, ukɔ ɔ̃rɛ nɔɔ zɛnɛ a komoo Urashalima, i foo kɔ piti a ɓɛɛshɔzɛni kpai. 26 Ama Urushalima gbete u a lapa u ɓa foo ɓa, u pɛ u ɓini.