Yusho Gɔ̃nɛ Aru Nokanɛ a Zɔni
1 Mazɔ̃yi ɔ shɔ sisɨn ãnɛ a Uɓeyelapa Yesɔ Kirisi bi, Uɓeyelapa gbete shɔ basiuyɛ, ɔ̃rɔɔtɛ kaka jazɨng a kɔrɔ ɔkɛ zɛ zɔnɛ ɔkɔɔ kanɔɔnɛ aru vigbete au shɛ a wuniyɛni. 2 Na shɔ vinaa wɔɔ kɛ tosi saajanaa tari mɛɛnɛ a fãrã tɔ̃vɨn ni kɛ awɔ ɗɔbiinɛ awuni aɗɔgbete ɔ tolinya ɗɔnyanɛ, sɔ̃njo nankɔ shɔ raankaasɔ̃nnɛjo a fãrã sɛ̃tini a bi. 3 Naa ɔkɛ basi banɛ shɔgbete tosi fãrã tɔ̃vɨn abi ɔkɛ geliunɛ, << Ɔ̃nɛ a ɗɔɔ ɔ̃nɛ tɔ̃vɨn yɛm,>> ama ɔkɛ geli shɔ raamnɛ, <<Gisi binɛ kawaa, ko a ɔ̃nɛ yɛm a dejaam ang ɗɔɔ dɔɔm,>> 4 kɛɗɔn siwɔɔ tasi nɔɔtɛ awɔ tetteni aru yeenɛ kɔ̃linɛni. 5 n shɔ ɔrinɛ mazɔ̃yi ɔ weshopɛ! Ɗalapa kɔ lɔɔ shɔraa gbete i a koo tipimjo i ɔ̃ shɔvinaa a yɛti sisɨn ãnɛ i kpaa Ɗalapa kpati roonɛ gbete maasi shɔgbete ai ɔriuyɛ. 6 Ama ɔ ji bassi shɔraa ɓa! Ɓa shɔvinaakɔ tasɔɔ raa a gɔ̃ ɔrɛ a n-tɔɔ shɔ ruuyeenɛyi ɗekɨn ɓaya? 7 Ikɔyi shavi kɔ̃linɛrɛ awɔ nii tɔ̃vɨn gbete shɔ ãwɔ wa. 8 Ɔyɛ pɛli ɓɛjo vitɔ̃vɨng, naa ɔkɛ gɨn Ɗa kpati roonɛ nya ãsinɛnɛ gbete shɔ kpaa a Ɗanyaruubiiyɛ, << Ɔ ɔri ɔ shɔ nyakãsiri naa ɔ ɔrɔɔ yuuyɛ.>> 9 Ama ɔkɛ tasi zɔnɔɔ kaanɛ aru vigbete shɔ tosiyɛ, a shɔ shɛ awuni si ɔ pɛli ruuvinitɛ, si ɔ ɔ̃tɛ shɔ nya ãsinɛ kanɛ.