Salmo 103

Ang Gugma sang Dios

1 Dapat dayawon ko gid ang Ginoo.

Dayawon ko ang iya pagkabalaan*103:1 pagkabalaan: sa literal, balaan nga ngalan sa bilog ko nga pagkatawo.

2 Dapat dayawon ko gid ang Ginoo,

kag dapat indi ko pagkalimtan kon ano ang iya kaayo.

3 Ginapatawad niya ang tanan ko nga sala,

kag ginaayo niya ang tanan ko nga balatian.

4 Ginaluwas niya ako sa kamatayon,

kag ginabendisyunan niya ako sang iya gugma kag kaluoy.