Salmo 121

Ang Ginoo ang Akon Manugtipig

Ang kanta samtang nagapasaka.

1 Nagatan-aw ako sa mga bukid;

diin bala nagahalin ang akon bulig?

2 Ang akon bulig nagahalin sa Ginoo, nga naghimo sang kalangitan kag sang kalibutan.

3 Indi niya pag-itugot nga matumba ka.

Siya nga nagatipig sa imo, wala nagakatulog.

4 Pamati! Ang manugtipig sang Israel wala nagapatuyo-tuyo ukon nagakatulog.

5 Ang Ginoo nagatipig sa imo;

ara siya sa imo tupad sa pagprotektar sa imo.

6 Ang init sang adlaw indi makahalit sa imo ukon ang siga sang bulan kon gab-i.*121:6 Sang una nga panahon, nahibaluan na sang mga tawo nga ang sobra nga init sang adlaw makahalit, kag nagapati sila nga ang siga sang bulan makahatag sang balatian.

7 Tipigan ka sang Ginoo sa tanan nga katalagman;

tipigan niya ang imo kabuhi.

8 Ang Ginoo magatipig sa imo subong kag hasta san-o, bisan diin ka makadto.*121:8 bisan…makadto: ukon, sa imo paglakat kag pagbalik