Salmo 146

7 Nagahukom siya pabor sa mga ginadaogdaog,

kag nagahatag siya sang pagkaon sa mga ginagutom.

Ginahilway niya ang mga ginbihag,

8 ginaayo niya ang mga bulag para makakita,

ginapabakod niya ang mga maluya,

ginahigugma niya ang mga matarong,

9 ginabantayan niya ang mga pangayaw,*146:9 mga pangayaw: buot silingon, mga indi Israelinhon nga mga pumuluyo sang Israel

ginabuligan niya ang mga ilo kag mga balo nga babayi,

pero ginaguba niya ang mga pamaagi sang mga malain.