Salmo 20

Pangamuyo para sa Kadalag-an

1 Kabay pa nga sabton ka sang Ginoo

kon ara ka sa kalisod.

Kabay pa nga protektaran ka sang Dios ni Jacob.

2 Kabay pa nga buligan niya ikaw halin sa templo didto sa Zion.

3 Kabay pa nga batunon niya ang imo mga halad,

pati na ang imo halad nga ginasunog.*20:3 Sa Hebreo may sugpon pa nga "sela," nga indi klaro ang buot silingon.

4 Kabay pa nga ihatag niya ang imo ginahandom,

kag mangin madinalag-on ka sa imo mga plano.