Salmo 66

Pagdayaw kag Pagpasalamat

1 Kamo nga mga katawhan sa bilog nga kalibutan,

maghinugyaw kamo sa Dios sa kalipay.

2 Magkanta kamo sang mga pagdayaw sa iya.

Padunggi ninyo siya paagi sa inyo mga pagdayaw.

3 Hambali ninyo siya, "O Dios, daw ano ka makatilingala ang imo mga binuhatan.

Tungod sa imo dako nga gahom, ang imo mga kaaway nagaluhod sa imo sa kahadlok.

4 Ang tanan nga katawhan sa bilog nga kalibutan magasimba sa imo.

Magakanta sila sang mga pagdayaw sa imo."*66:4 Sa Hebreo may sugpon pa nga "sela," nga indi klaro ang buot silingon. Makita man ini sa bersikulo 7 kag 15.