Salmo 95

Kanta sa Pagdayaw

1 Dali, magkanta kita sa kalipay

kag maghinugyaw kita sa Ginoo, ang palalipdan nga bato nga nagaluwas sa aton.

2 Magpalapit kita sa iya nga may pagpasalamat,

kag maghinugyaw kita nga nagakanta sang mga pagdayaw sa iya.

3 Kay ang Ginoo gamhanan nga Dios.

Gamhanan siya nga hari kag labaw sa tanan nga dios.

4 Siya ang nagapanag-iya sang mga kadadalman sang kalibutan

kag sang mga putokputokan sang mga bukid.

5 Siya man ang nagapanag-iya sang dagat kag sang duta nga iya ginpanghimo.

6 Dali, magluhod kita sa pagsimba sa Ginoo nga naghimo sa aton.