1 Wakolinto 7

12 Kwa awala iwasighale nolonga pfino. Nene mwenyegho, si Imtwatsa bae. Ka immale kana mwehe ing’ayomtoghola Yesu, na mwehe ayo kotoghola kukala na mmale wake, mmale aleke kumleka mwehe wake. 13 Na ka ipinga kana immale na immale ayo ng’omtoghola Yesu bae, ila kotoghola kukala na mwehe wake, ipinga ayo aleke kumlema mmale wake. 14 Kwaapfila immale yula ing’omtoghola Yesu kobokelighwa ne Imulungu kubitila mwehe wake. Na ipinga yula ing’omtoghola Yesu kohenzeluka kubitila immale wake. Ka si pfipfo bae, iwana wenu wang’alekile weha, lekeni ka pfaili, iwana wenu wenzeluka.