मत्ती 2

3 राजा हेरोदेस न यो सुन्यो त ऊ अऊर ओको संग पूरो यरूशलेम घबराय गयो। 4 तब ओन लोगों को पूरो मुख्य याजकों अऊर धर्मशास्त्रियों ख जमा कर क् उन्को सी पुच्छ्यो, "मसीह को जनम कित होनो चाहिये?"

5 उन्न ओको सी कह्यो, "यहूदिया प्रदेश को बैतलहम गांव म, कहालीकि भविष्यवक्ता को द्वारा असो लिख्यो गयो हय:

6 "हे बैतलहम गांव, तय जो यहूदा को प्रदेश म हय,

तय यहूदा को अधिकारियों म कोयी सी छोटो नहाय,

कहालीकि तोरो म सी एक शासक निकलेंन

जो मोरी प्रजा इस्राएल को रखवाली करेंन।"

7 तब हेरोदेस न जोतिषियों ख चुपचाप सी बुलाय क उन्को सी पुच्छ्यो कि तारा ठीक कौन्सो समय दिखायी दियो होतो, 8 अऊर यो कह्य क उन्ख बैतलहम भेज्यो, "जावो, ऊ बालक को बारे म ठीक-ठीक मालूम करो, अऊर जब ऊ मिल जायेंन त मोख खबर देवो ताकि मय भी आय क ओख प्रनाम करूं।"