Efazə 3

Äwä kə yində azü ə̂në Kristə yində əndje kɔ

14 Âdârə ə̂në mə gbəte gâ ətshi Abä də Ndjapä, 15 ə̂në tshə mbrə̂ â bəngʉ nɔ̂ mâ lafɔ ndje pâ ashɔ wû tsheshu kɔ, 16 ndə kə pa tshə gbɔgbɔ e djoko lə e tə̂ äwä awlra nə̂ Âgbɔ̂ Yîrə̂ nə̂ ye, Lïndə̂ ə̂yî ye ə̂në ə rô pâ nə gâ ye kɔ, 17 ndje ndə kə pa Kristə nə sə tə̂ lɔsu e tə̂ äwä ə̂në e zâ lɔsu e kə ətshə gâ ye kɔ. Mə yu ətshə ndə kə pa əshe e li ashɔ lə kə yi tə̂ e ka e ka gâ pâ nə kpirə̂, 18 ndə kə pa, e-e də ə̂dû azü nə̂ Ndjapä nə nɔ̂, e lï ndə kə wusə̂ äwä kə yi tə̂ nə̂ Kristə nə ə̂në ə sə kpaa, ə gû, ə gû gâ lafɔ â ə li ə li kɔ. 19 E sə kə wusə̂ kə yi tə̂ nə̂ ye nə ə̂në ə rô ərə nɔ̂ ə̂në azü wusə̂ nə kɔ kanika ə̂rɔ̂ ərə nə̂ Ndjapä nɔ̂ su e ə su trɔ̂.