14 Alaye əmə, kədə ə̈bə̈ əzü kə pa əne sə də lɔsu â mbrə ə̈bə̈ ərə mbrə ndə kə pa tshə yisə̂ əpʉ lɔsu ye nə gashu ne kɔ, ə sə kə mbrə yekɔ? Lɔsu nə lï ndə kə pa ə tshɔ ətshə lə kuzu a? 15 Kədə ə̈bə̈ aye wala ə̈bə̈ kobɔ kə sə sə də ləba ndə kə yi nə ne â sə sə də rəgo lə əlo bale bale ndə kə zɨ nə ne, 16 â ə̈bə̈ əzü lə takpa tə̂ e pa kə ətshə ə pa: «Gü je lə blatshe! Tshekotə̂ zə wö lə ləba, zɨ̈ rəgo tshelə zə sü!» Bale, kədə tshə ko ko aərə ə̂në ə lï ndə kə pa ə mbrə ə̂rɔ̂nə kə ətshə kɔ kə ətshə ne, yekɔ də̂ amba əpʉ nə sə kə mbrə kə ətshə? 17 Əpʉ lɔsu nə sə ndje kʉ rə. Kədə əzü kə sə də lɔsu â mbrə kosəra lɔsu nə mbrə ne, lɔsu ye nə sə mata ərə ə̂në ə tshû gâ ye kɔ.