യെശയ്യാവു 30:1-3,15

Em outras traduções

1. IRVMAL Indian Revised Version (IRV) - Malayalam

   1 "മത്സരമുള്ള മക്കൾക്ക് അയ്യോ കഷ്ടം" എന്നു യഹോവ അരുളിച്ചെയ്യുന്നു.

   പാപത്തോടു പാപം കൂട്ടുവാൻ തക്കവണ്ണം

   എന്നെ കൂടാതെ ആലോചന കഴിക്കുകയും

   എന്‍റെ ആത്മാവിനെ കൂടാതെ സഖ്യത ചെയ്യുന്നവർക്കു തന്നെ

   2 ഫറവോന്‍റെ സംരക്ഷണയിൽ തങ്ങളെത്തന്നെ സംരക്ഷിക്കേണ്ടതിനും

   മിസ്രയീമിന്‍റെ നിഴലിൽ ശരണം പ്രാപിക്കേണ്ടതിനും

   എന്‍റെ അരുളപ്പാടു ചോദിക്കാതെ മിസ്രയീമിലേക്കു പോവുകയും ചെയ്യുന്നു.

   3 "എന്നാൽ ഫറവോന്‍റെ സംരക്ഷണം നിങ്ങൾക്ക് നാണമായും

   മിസ്രയീമിന്‍റെ നിഴലിലെ ശരണം ലജ്ജയായും ഭവിക്കും.

   15 യിസ്രായേലിന്‍റെ പരിശുദ്ധനായി യഹോവയായ കർത്താവ് ഇപ്രകാരം അരുളിച്ചെയ്യുന്നു:

   "മനംതിരിഞ്ഞ് എന്നില്‍ അടങ്ങിയിരുന്നാൽ നിങ്ങൾ രക്ഷിക്കപ്പെടും.

   വിശ്രമിക്കുന്നതിലും ആശ്രയിക്കുന്നതിലും നിങ്ങളുടെ ബലം;

   എങ്കിലും നിങ്ങൾക്ക് മനസ്സാകാതെ: ‘അല്ല;

2. OMCV Versão Contemporânea Aberta em Malaiala

   1 "കഠിനഹൃദയരായ മക്കൾക്കു ഹാ കഷ്ടം!"

   എന്ന് യഹോവ അരുളിച്ചെയ്യുന്നു,

   "എന്റേതല്ലാത്ത പദ്ധതികൾ നടപ്പിലാക്കി,

   എന്റെ ആത്മാവിന്റെ ആലോചനകൂടാതെ സഖ്യംചെയ്ത്,*30:1 മൂ.ഭാ. പാനീയയാഗം അർപ്പിച്ച്. പാപത്തിനുമേൽ പാപം കൂട്ടുകയും ചെയ്യുന്നവർക്കുതന്നെ.

   2 അവർ എന്നോട് അരുളപ്പാടു ചോദിക്കാതെ

   ഈജിപ്റ്റിലേക്ക് ഇറങ്ങിച്ചെല്ലുന്നു;

   ഫറവോന്റെ സംരക്ഷണത്തിനായി ശ്രമിച്ച്,

   ഈജിപ്റ്റിന്റെ നിഴലിൽ അഭയംതേടുന്നവർക്കുതന്നെ.

   3 എന്നാൽ ഫറവോന്റെ സംരക്ഷണം നിങ്ങൾക്കു ലജ്ജയായിത്തീരും,

   ഈജിപ്റ്റിന്റെ നിഴൽ നിങ്ങൾക്ക് അപമാനമായി ഭവിക്കും.

   15 ഇസ്രായേലിന്റെ പരിശുദ്ധനായ യഹോവയായ കർത്താവ് ഇപ്രകാരം അരുളിച്ചെയ്യുന്നു:

   "പശ്ചാത്തപിച്ച് എന്നിൽ ആശ്രയംവെച്ചാൽ*30:15 മൂ.ഭാ. സ്വസ്ഥമായിരുന്നാൽ നിങ്ങൾ രക്ഷപ്രാപിക്കും.

   ശാന്തതയിലും ആശ്രയത്തിലുമാണ് നിങ്ങളുടെ ശക്തി,

   എങ്കിലും ഇതു ചെയ്യാൻ നിങ്ങൾക്കു മനസ്സുണ്ടായില്ല.