യെശയ്യാവു 58:3-6

Em outras traduções

1. IRVMAL Indian Revised Version (IRV) - Malayalam

   3 "ഞങ്ങൾ നോമ്പു നോല്‍ക്കുന്നതു നീ നോക്കാതെയിരിക്കുന്നതെന്ത്?

   ഞങ്ങൾ ആത്മതപനം ചെയ്യുന്നതു നീ അറിയാതിരിക്കുന്നതെന്ത്?"

   "ഇതാ, നിങ്ങൾ നോമ്പു നോല്‍ക്കുന്ന ദിവസത്തിൽ തന്നെ

   നിങ്ങളുടെ കാര്യാദികളെ നോക്കുകയും

   നിങ്ങളുടെ എല്ലാ വേലക്കാരെയുംകൊണ്ട്

   അദ്ധ്വാനിപ്പിക്കുകയും ചെയ്യുന്നു.

   4 നിങ്ങൾ വിവാദത്തിനും കലഹത്തിനും

   ക്രൂരമുഷ്ടികൊണ്ട് അടിക്കേണ്ടതിനും നോമ്പു നോല്‍ക്കുന്നു;

   നിങ്ങളുടെ പ്രാർത്ഥന ഉയരത്തിൽ കേൾക്കുവാൻ

   തക്കവിധമല്ല നിങ്ങൾ ഇന്ന് നോമ്പു നോല്‍ക്കുന്നത്.

   5 എനിക്ക് ഇഷ്ടമുള്ള നോമ്പും

   മനുഷ്യൻ ആത്മതപനം ചെയ്യുന്ന ദിവസവും ഇങ്ങനെയുള്ളതോ?

   തലയെ വേഴത്തെപ്പോലെ*58:5 വേഴത്തെപ്പോലെ ഒരുതരം വലിയപുല്ല്. കുനിയിക്കുക,

   ചാക്കുതുണിയും ചാരവും വിരിച്ചു കിടക്കുക,

   ഇതാകുന്നുവോ ഉപവാസം?

   ഇതിനോ നീ നോമ്പെന്നും

   യഹോവയ്ക്കു പ്രസാദമുള്ള ദിവസമെന്നും പേര് പറയുന്നത്?

   6 അന്യായബന്ധനങ്ങളെ അഴിക്കുക;

   നുകത്തിൻ്റെ അമിക്കയറുകളെ അഴിക്കുക;

   പീഡിതരെ സ്വതന്ത്രരായി വിട്ടയയ്ക്കുക;

   എല്ലാ നുകത്തെയും തകർക്കുക;

   ഇതല്ലയോ എനിക്ക് ഇഷ്ടമുള്ള ഉപവാസം?

2. OMCV Versão Contemporânea Aberta em Malaiala

   3 ‘ഞങ്ങൾ ഉപവസിച്ചിട്ട്,

   അങ്ങു കാണാതിരിക്കുന്നതെന്ത്?’ അവർ ചോദിക്കുന്നു,

   ‘ഞങ്ങൾ ആത്മതപനം ചെയ്തിട്ട്

   അങ്ങ് അറിയാത്തതെന്ത്?’

   "ഇതാ, നിങ്ങളുടെ ഉപവാസദിവസത്തിൽ നിങ്ങളുടെ താത്പര്യങ്ങൾ തൃപ്തിപ്പെടുത്താൻ ശ്രമിക്കുകയും

   നിങ്ങളുടെ എല്ലാ ജോലിക്കാരെയും ചൂഷണംചെയ്യുകയും ചെയ്യുന്നു.

   4 നിങ്ങളുടെ ഉപവാസം അവസാനിക്കുന്നത്, കലഹവും വാഗ്വാദവും

   ക്രൂരമുഷ്ടികൊണ്ടുള്ള ഇടിയുംകൊണ്ടാണ്.

   ഇങ്ങനെയുള്ളതാണ് നിങ്ങളുടെ ഉപവാസമെങ്കിൽ

   നിങ്ങളുടെ പ്രാർഥന സ്വർഗത്തിൽ എത്തുമെന്നു പ്രതീക്ഷിക്കുകയേ വേണ്ട.

   5 ഇത്തരമൊരു ഉപവാസമാണോ ഞാൻ തെരഞ്ഞെടുത്തത്?

   ജനം അനുതാപത്തിന്റെ ചടങ്ങുകൾമാത്രം നടത്തുന്ന ദിവസമോ ഉപവാസം?

   ഒരു ഞാങ്ങണച്ചെടിപോലെ തല കുനിച്ച്

   ചാക്കുശീലയും ചാരവും വിതറി കിടക്കുകമാത്രമോ?

   ഇതിനെയോ നിങ്ങൾ ഉപവാസമെന്നും

   യഹോവയ്ക്കു സ്വീകാര്യമായ ദിവസമെന്നും പറയുന്നത്?

   6 "അല്ല, ഇത്തരമൊരു ഉപവാസമാണ് ഞാൻ ആഗ്രഹിക്കുന്നത്—

   അനീതിയുടെ ചങ്ങലകൾ അഴിച്ചുകളയുക,

   നുകത്തിന്റെ ബന്ധനപാശങ്ങൾ അഴിക്കുക,

   പീഡിതരെ സ്വതന്ത്രരായി വിട്ടയയ്ക്കുക,

   എല്ലാ നുകവും തകർത്തുകളയുക,