യെശയ്യാവ് 58

3 "ഞങ്ങൾ നോമ്പു നോല്‍ക്കുന്നതു നീ നോക്കാതെയിരിക്കുന്നതെന്ത്?

ഞങ്ങൾ ആത്മതപനം ചെയ്യുന്നതു നീ അറിയാതിരിക്കുന്നതെന്ത്?"

"ഇതാ, നിങ്ങൾ നോമ്പു നോല്‍ക്കുന്ന ദിവസത്തിൽ തന്നെ

നിങ്ങളുടെ കാര്യാദികളെ നോക്കുകയും

നിങ്ങളുടെ എല്ലാ വേലക്കാരെയുംകൊണ്ട്

അദ്ധ്വാനിപ്പിക്കുകയും ചെയ്യുന്നു.

4 നിങ്ങൾ വിവാദത്തിനും കലഹത്തിനും

ക്രൂരമുഷ്ടികൊണ്ട് അടിക്കേണ്ടതിനും നോമ്പു നോല്‍ക്കുന്നു;

നിങ്ങളുടെ പ്രാർത്ഥന ഉയരത്തിൽ കേൾക്കുവാൻ

തക്കവിധമല്ല നിങ്ങൾ ഇന്ന് നോമ്പു നോല്‍ക്കുന്നത്.

5 എനിക്ക് ഇഷ്ടമുള്ള നോമ്പും

മനുഷ്യൻ ആത്മതപനം ചെയ്യുന്ന ദിവസവും ഇങ്ങനെയുള്ളതോ?

തലയെ വേഴത്തെപ്പോലെ*58:5 വേഴത്തെപ്പോലെ ഒരുതരം വലിയപുല്ല്. കുനിയിക്കുക,

ചാക്കുതുണിയും ചാരവും വിരിച്ചു കിടക്കുക,

ഇതാകുന്നുവോ ഉപവാസം?

ഇതിനോ നീ നോമ്പെന്നും

യഹോവയ്ക്കു പ്രസാദമുള്ള ദിവസമെന്നും പേര് പറയുന്നത്?

6 അന്യായബന്ധനങ്ങളെ അഴിക്കുക;

നുകത്തിൻ്റെ അമിക്കയറുകളെ അഴിക്കുക;

പീഡിതരെ സ്വതന്ത്രരായി വിട്ടയയ്ക്കുക;

എല്ലാ നുകത്തെയും തകർക്കുക;

ഇതല്ലയോ എനിക്ക് ഇഷ്ടമുള്ള ഉപവാസം?