O Pavle phenela e Timotejeske bašo hovavne učitejla
3 Angleder te džav ki Makedonija, rodingjum tutar te ačhove ko Efes, te šaj te naredine nesave manušenge te na sikaven hovavno učibe 4 hem te čhinaven te verujnen ko hovavne prikazne hem ko but spisakija taro parapapija. Sa adava anela poviše akošibe, nego te džal angle e Devleskoro delo, soj tano preku vera. 5 A i cel akale naredbakiri tani o mangipe, savo so avela taro čisto srce, šukar sovest hem tari čačutni vera. 6 Nesave lendar cidisalile akalestar hem irange pe ko čuče lafija. 7 Ola mangena te oven učitejla e Zakoneskere, a doborom tvrdinena so na džanena bašo so kerena lafi.