Upastvo bašo služiba
1 Adaleske angleder o sa, mangava tumendar te molinen tumen sa e manušenge, rodindor molitvaja hem blagodarindor bašo sa o manuša, 2 bašo cajra hem bašo sa soj ki vlast, te šaj te živina mirno hem rahati životo, pobožno hem dostojno. 3 Akavaj šukar hem ugodno e Devleske, amare Spasiteleske, 4 so mangela sa o manuša te oven spasime hem te aven te pendžaren o čačipe. 5 Soske jekh tano o Devel hem jekh i so tergjola maškar o Devel hem o manuša – o manuš o Isus Hristos. 6 Ov dengja pe bašo otkup sa e manušenge. Adava tano svedoštvo so dengja pe ko pravo vreme.