MAKOWE 9

Dolikasi endatepulwa

36 Akwo Yopa kwaabile na mwanamasi' yumo nnwawa lina lyake Tabita, kwa Kiyunani Dolikasi, lilombolya mbala. Aabile kapanga manogau na kwayangatia aki’ba. 37 Nsimu wo ngaminya no waa. Bandu ngabaugu’lwa wu’lu' ntwi na kuubi’ka musumba sa golopwa. 38 Kwa mwanjaa kilambo sa Lida sabile papipi na kilambo sa Yopa, banamasi' pabaayu’wine panga Petili aabile ku’lu', ngabaatuma bandu abi’li' bakammakiye, "Sonde li’li’li', wise ku’no kasitu kiyu’ngu’ya." 39 Kwa nyo Petili ngayenda nabo, naywembe paaikite, ngabampeleka mpaka kungati kwabaugonjike wu’lu' ntwi. Alwawa awi’li’ka baingi, baanti’li’tike Petili ku’no kabali’la no laya makoti na magu’bo gaasonile Dolikasi paabile nkoti.