MALUKO 6

22 Biti wake Helodia payingile, aatiina, ngampulaisa Helode pamope na ageni bake. Nkulungwa Helode ngammakia yu’lu' biti, "Unilu’be kili’be sosoti saupala, nanenga nilu’a kupeya." 23 Kai' ngakong’ondelya kwo lapa panga, "Nilu’a kupeya sosoti saulu’a nilu’ba, ata ikatei nusu ya ukulungwa wangu'."

24 Yu’lu' biti ngapita panja, ngayenda kwalaluya mau' bake, "Nilu’be ki’li'?" Mau' bake ngabannyangwa, "Ulu’be ntwe wa Yoani Ywabatisage." 25 Yu’lu' biti ngaki’li’bu’ka kiyu’ngu’ya kwa nkulungwa, ngammakia, "Nipala unipei papanopano ntwe wa Yoani Ywabatisage mukyani."

26 Nkulungwa aatiusunika muno, lakini kwa mwanjaa aabile alapite nnu’ngi' ya ageni bake, aapaili kunkania. 27 Papalu’palu' nkulungwa ngatuma asikali leta ntwe wa Yoani. Ngayenda kunsinja Yoani munyumba ya atabilwe, 28 ngauleta ntwe mukyani na kumpeya yu’lu' biti, naywembe ngaakamukiya mau' bake.