ጳዉሎሳራኔ ዎርዶ ሀዋርታይራ
1 ታ ጽቃ ቦዘት ይ ጋርዦዳና ታ አሞትዛ፤ ሀያና ዳንዳኦይታ። 2 ጾሳይ ይንትስ ቆፔዛይ ጋርክ፥ ታካ ይንትስ ቆፕዛ። ታኒ ይንታን ፋና ናጌዝ ዉድርቶ ፐቲ ፓንይ ማእስዛይ ጋርክ፥ ክርስቶሳስ እንጎዳይስ ኦይጪ ጋዴዛ።
3 ዝን ሾሺ ፋ ገናይር ህዋኖ ባልዛይ ጋርክ ኦ ኤሬ ይ ዎዝናይ ኢቲ ክርስቶሳስ የዝ ይ ሉለትኔ ጌሸት ይ አሾደሻ ግ ታ ህርግዛ።11:3 መ. 3:1-5 4 ፐቲ አስ ይኢ፥ ኑኒ ይንትስ ማርካቴዝ የሱሳፕ ሀራ የሱሳ ይንትስ ማርካትኮ፥ ዎይ ይ ኤኬዝ አያናይፐኔ ዎንግላይፕ ሀራ አያናኔ ዎንግለ ይንትስ ኦድኮ፥ ይ ስእ ግ ኤክዛ።
5 ዝን ታኒ ኡንቲ ፋና «ኑ ዳማ ሀዋርታ» ግዝታይፕ ታ ታና ጽቅዛ ግ ቆፓሚ። 6 ታኒ ኦዳ ኤሮዋ አስ ማቅኮካ፥ ኤራት ታስ የዛ። የያ ታ ይንትስ ጋመ ኦገር ቤዜዛ።
7 ታኒ ሚሸ ኦይጨካ ጾስ ዎንግለ ይንትስ ጨረ ኦዴዛኔ ይንታን ቅ ኡዲ ታና ቶቼዛይ ታስ ናጋራ ጋርክ ፓይድንቶደሻ? 8 ታኒ ይንታን ማዶዳይስ ሀራ ዎሳ ኬታይፕ ሚሸ ቦንቂ ኤኬዛ። 9 ታ ይንታር የዝ ዎደ ታና መትንካ ይንትፕ ፐቲ አስካ ዋይካያ። ማቃዶናፕ የኤዝ እሽታይ ታና ኮሽዛ ባዝ ኡባይድ ማዴዛ። Ꮊይኖ ሄሎዳይስ ታ ይንትስ ቶፎ ማቀካያ ቲናስካ ቶፎ ማቃሚ።11:9 ፍል. 4:15-18 10 ክርስቶሳ ቱማትይ ታል የዝን፥ ታ ጬቃ አካያ ቢታ ታና ኦንካ ካየና። 11 ታ Ꮊያ አብስ ግኔ? ይንታን ዶሶዋ ግሾሶነ? ታኒ ይንታን ዶስዛና ጾስ ኤርዛ።
12 Ꮊንኮ ሀዋርታይ «ኑካ ኡ ጋርክ ኦዳ» ዬጊ ጬቅዛ ኡ ጬቃይስ ኦገ ብሶዳይስ Ꮊት ታ ኦዛና ቲናስካ ኡዶዳ። 13 Ꮊይ ጋርክ አስታይ ክርስቶሳ ሀዋረ ኣዞዳይስ ፋና ላምዛ ዎርዶ ሀዋርታኔ ዶሻ ኦሳንችታ። 14 የይ ማላባዝ ባያ፤ አብስ ጊኮ፥ ጻላሄ ፖኦ ኪታንቾ ኣዞዳይስ ፋና ላምዛ። 15 የይ ግሾስ፥ ጻላሄ ኦሳንችታይ ጽሎት ኦሳንችታ ኣዞዳይስ ፋና ላምኮ የይ ዳማባዝ ባያ። ኡንቲ ዉርስል ፋ ኦሳይ ጋርክ ኤኮዳ።
ጳዉሎሳና ሄሌዝ መቶ
16 ኦንካ ታና ቦዞ ግ ቆፓማይ ጋርክ ማህካ ኦድዛ። ታ ይንትስ ቦዞ ኣዝኮካ ታ ላፋር ጬቅንቶዳይ ጋርክ ታና ቦዞ ኡዲ ኤኮይታ። 17 ታኒ Ꮊይ ጋርክ ጬቅንቲ ኦድንታይ፥ ጎዳይ ኮይዝ ጋርክ ባዝን ቦዘትር ኦድዛ። 18 ጋመ አሳይ Ꮊ ሳአባዛር ጬቅንትዛ ግሾስ ታካ ጬቅንቶዳ። 19 ይ ዎዛናማ ማቄዝ ግሾስ ቦዞ አስባዝ ኡፋይሳር ዳንዳእዛ። 20 ኦንካ ይንታን አይለ ኡድኮ ዎይ ይንታን ቦንቂኮ ዎይ ፓስ ማድንቶዳይስ ይንትኮ ሺቅኮ ዎይ ይንታል አፋ ኡትርትኮ ዎይ ይንታን ባቂኮ ይ ዳንዳእዛ። 21 ኑኒ የያ ኦዳይስ ጋመ ዳቡራ ማቄዛና ዬላትታር ታ ኦድዛ።
ዝን ኦንካ ሚንጊ ጬቅንትኮ፥ ታካ ሚንጊ ጬቅንቶዳ። ታኒ የያ ቦዞ አስ ጋርክ ኦድንትዛ። 22 ኡንቲ እብራወ? ታካ እብራወ። ኡንቲ እስሬለ? ታካ እስሬለ። ኡንቲ አፍራመ ሼሾ? ታካ አፍራመ ሼሺ። 23 ኡንቲ ክርስቶሳ ኦሳናቾ? ታኒ ኤያ አስ ጋርክ ኦድዛ፥ ኡንታፕ አዝ ክርስቶሳ ኦሳንቾ። ታኒ ኦሶር ጋመ ዳቡሬዛ፤ ኡንደና ዎደ አጭንቴዛ፤ ጋራፍንቴዛ፤ ጋመ ዎደ Ꮊይቆስ ሄሌዛ።11:23 ሀዋ. ኦ. 16:23 24 አይሁድታይ ታና ሀስታማኔ ኡዱፉን እችን ቶኬ ጋራፌዛ።11:24 ናምእ. 25:3 25 ሀይ ቶኬ ጉፈር ሾጭንቴዛ፤ ፐቲ ቶኬ ሹቻር ሾጭንቴዛ፤ ማርካበ ሀይ ቶኬ መቄዛ፤ አባ ጋንጨ ፐቲ ቃማ ኩን አቅ ፔዤዛ።11:25 ሀዋ. ኦ. 16:22፤ 14:19 26 ታኒ ጋመ ኦገ ዳቡራር የዛ። ክጻ ሃ ድኦፐኔ ፓኖፕ ዋየ ታና ሄሌዛ። አይሁድታይኔ አይሁደ ማቀካ አሳይ ታል አፋ መቶ ሄልዛ። ካታማ፥ ሊዦ፥ አባ፥ ታና ያሼዛ፤ አማንዛ ኣዝዛ አስታይ ታና ዋይሴዛ።11:26 ሀዋ. ኦ. 9:23፤ 14:15 27 ታኒ ኦሶር ዳቡረዛኔ ጫዌዛ፥ ጋመ ቶኬ ገንታ ቤዛ፥ ናይንቴዛ፥ ሳምንቴዛ፥ ጋመ ቶኬ ጾሜዛ፥ ሜግንቴዛ፥ ካሎቴዛ።
28 ሀራ ባዝ ኡባ ፓይዳምጽኮካ ኡባ ዎደ ታና ዎሳ ኬታይባዝ ቆፍስዛ። 29 ፐቲ አስ ዳቡሮዳር ኤዛር ታ ዳቡረካዛይ አይደ? ፐቲ አስ ናጋራራ ብንትን ታ አይደ ካጨካ አሼነ?
30 ታ ጬቅንቶዳይስ ቤዝዛ ባዝ ማቅኮ ታኒ ዳቡራ ማቄዛና ኤርስዛባዛር ጬቅንቶዳ። 31 መናስ ቦንችንቴዝ ጾሳይ፥ ኑ ጎዳ የሱስ ክርስቶሳ ኣዳ፥ ታ ዎርዶቶዛና ኤርዛ። 32 ዳማስቆ ካታማይድ አረታሳ ግዝ ካታይፕ ኦሞር ሃርዛይ ታና አይዳይስ ከዚ ዳማስቆ ካታማ ፐንጋ ናግሴዛ።11:32-33 ሀዋ. ኦ. 9:23-25 33 ዝን አሳይ ታና ዳቾ ጋንጨ ኦሊ፥ ካታማ ጋሰ ማስኮተር ዎስን ታኒ ኤ ኩሸፕ አቴዛ።