1 ኑኒ ጾሳር ዎላ ኦዛ አስ ማቄዛይ ጋርክ፥ ይ ኤኬዝ ኣ ኬሃት ጨረ ማሃማይ ጋርክ ኑ ይንታን ዎስዛ። 2 ጾሳይ፥
«ታ ነና ስኦድ ዎደ ስኤዛ፤
አቶት ጋላስ ነና ማዴዛ»
ዬግዛ። ዬዛኮ፥ ታ ስኦድ ዎዳይ Ꮊተ፤ አቶት ጋላሳይካ Ꮊይኖ።6:2 ኢሳ. 49:8
3 ኦንካ ኑ ኦሳ ቦራማይ ጋርከኔ ኑር ብንቶዳይ ጋርክ ኮዮያ። 4 ሀኖ ዝን፥ ኑ ቱማ ጾስ ኦሳንችታ ማቄዛና ኑ ኦዛ ኡባ ባዛር ቤዜዛ። ጋመ ጋርዦር፥ ዋዬር፥ መቶር፥ ኡንኣር፥ 5 ጋራፍንትር፥ አቻር፥ ጫቦትር፥ ኦር ዳቡራር፥ ገንታ ቦር፥ ጾማር፥6:5 ሀዋ. ኦ. 16:23 6 ጌሸትር፥ ኤራትር፥ ዳንዳአር፥ ኬሃትር፥ ጌሻ አያናር፥ ቱማ ሲቆር፥ 7 ቱማ ኦዳራኔ ጾስ ዎልቃር ኑኒ ኤ ኦሳንችታ ማቄዛና ቤዜዛ። ማ ጽሎትይ ኑስ ቶራኔ ጎንዳለ። 8 ኑኒ ቦንችንቶዳይስ ቶሽንቶዳይስ፤ ጫዥንቶዳይስኔ ጋላትንቶዳይሲ ጊግንቴዛ። ቱማ ናሼዝታ፥ ዝን አሳይ ኑና ዎርዶትዝታ ጌዛ። 9 ኑ ኤርንቶዋ አስ ኣዝታር ኤርንቴዝታ ማቄዛ። Ꮊይቄዝታ ዬግንቴዝታ፥ ዝን ፓጻ የዛ፤ ሾጭንቴዛ፥ ዝን Ꮊይቀካያ። 10 ኑኒ አዛንኮካ ኡባ ዎደ ኡፋይትዛ። ኑኒ ማንቆ ኣዝዛ፥ ዝን ጋመ አሳ ዱርሴዛ። ማ አኮካ ባ አስ ኣዜዛ፥ ዝን ኡባይ ኑባዝ።
11 ይንትኖ ቆሮንቶሳ አሳዮ፥ ኑ ይንትስ ጌሺ ኦዴዛ፤ ኑ ኡላ ይንታን ዉርሲ ቤዜዛ። 12 ይ ኑና ይ ሲቆ ቤዞዋ ካየነፕ አትን ኑ ኑ ሲቆ ይንታን ካየካያ። 13 አደ ፋ ናእታይስ ኦድዛይ ጋርክ ታ ይንትስ ኦድዛ፤ ኑ ይንታን ኑ ኡላ ቤዜዛይ ጋርክ፥ ይንትካ ይ ኡላ ኑና ቤዞይታ።
አማኖዋ አሳይር የዝ ፐትፐተ አሾ
14 አማኖዋ አሳይር ቤዞዋ ኦገር ዋጽንትፓተ። ጽሎትኔ ናጋራ አብ ዎል ሄል? ፖኦስኔ ማስ አባ ፐትፐተ የኔ? 15 ክርስቶሳኔ ጻላሄ ዎል ሄልዛ ባዝ አባ? ማ አማንዛይኔ አማኖዋዛይ ፐትፕ ኮጽዛባዝ አባ? 16 ጾስ ኬይስ ኤቅታይር አባ ፐትፐተ የኔ? ጾሳይ፥
«ታኒ ኡ ጋንጨ የሳዳ፥
ኡ ጋንጨር የዳ።
ታኒ ኡ ጾስ ማቆዳ፤
ኡንትካ ታ ዎያ ማቃዳ»
ጌዛይ ጋርክ፥ ኑኒ ደኦ ጾስ ኬ።6:16 ለዊ. 26:12፤ ኢዝቀ. 37:27፤ 1ቆሮ. 3:16፤ 6:19 17 የይ ጋርከካ፥ ጎዳይ፥
«ኡንቲ ጋንጨፕ ሻክንቲ ከዞይታ፤
ቱና ማቄዝ ባዝ ቦችፓተ፤
ታ ይንታን ኤኮዳ።6:17 ኢሳ. 52:11
18 ታ ይንትስ አደ ማቃዳ፤
ይ ታስ ዲር ናእታኔ ማች ናእታ ማቃዳ፤
ዬግዛ ኡባፕ ዎልቃማ ጎዳይ» ዬጌዛ።6:18 2ሳም. 7:14፤ 1ዜና. 17:13፤ ኢሳ. 43:6፤ ኤርም. 31:9