1 አማንዛ አሳይስ ከስዛ ሚሽያባጋ ታ ይንትስ ጻፎዳይስ ኮሾያ። 2 ይ ማዶዳይስ ሎእ አሞትዛና ታ ኤርዛ። ይ አካያ አሳይ፥ ዝቅነበረፕ አይኪ ማዶዳይስ ጊግንቴዛና ታኒ ማቃዶና አሳይስ ዶና ኩን ኦዴዛ። ይ ግታ አማይካ ኡንታፕ ጋምታ ደንዛ። 3 Ꮊ ኦሳይድ ይንታል ኑ ጬቅንትዛ ጬቃይ ጨረ ማቃማይ ጋርክ ቲና ይ ባጋ ታ ኦዴዛይ ጋርክ ይ ጊግንቲ ናጎዳይ ጋርክ Ꮊ እሽታ ይንትኮ ኪቴዛ። 4 ማቃዶና አሳይ ታራ ይኢ፥ ይ ጊግንተካዝን፥ ደንግኮ፥ ኑ ይንታል ዬላቶዳ፤ ማ ይ ኑፐ ኣ ዬላቶዳ። 5 የይ ግሾስ፥ Ꮊ እሽታይ ታፕ ቲናቲ ይንትኮ Ꮊንጊ፥ ይ እንጎድ ጌዝ እሞ ቲናቲ ጊግሶድ ጋርክ ታ ኡንታን ኪቴዛ። ታኒ ሄሎዳር ያ እማይ ጊጊ በትዛ። የ ዎደ የ ኬሃትር እማይ ዎልቃር ባዝን ዶሶር ማቄዛና ኤርስዛ።

6 ጽቃ ዘሬዛይ ጽቃ ሺሾዳ፤ ጋመ ዘሬዛይ ጋመ ቡጮዳ ዬግዛያ አካኮይታ። 7 ጾስ ኡፋይሳር እንግዛ አ ዶስዛ ግሾስ ዎልቃር ዎይ ሞርኤር ባዝን ፐቲ ፐቲ አስ ፋ ዎዛናይር ቆፔዛይ ጋርክ ዶሶር እንጎዳይስ ቤዝዛ። 8 ኡባ ዎደ ኡባ ባዛር ይንታን ዳንዳእ ሎኦ ኦሶ ኡባይስ ፔሾዳይስ ይንትስ ግዶዳይ ጋርክ ጾሳይ ይንትስ ፋ አንጆ ጋንዳ። 9 ጌሻ ማጻፋይድ፥

«ኤ ፋ ሻላ ማንቅታይስ ላሌዛ፤

ኤ ጽሎትይ መናስ የዝዛ»

ዬግዛ።✝9:9 ማዝ. 112:9 10 ዘርዛይስ ዘረ፥ ማዳይስ ካ እንግዛ ጎዳይ፥ ይ ዘርዝ ዘር ጋን እንጎዳ። ይ ጽሎት ኣፋካ ጋንዳ።✝9:10 ኢሳ. 55:10

11 ጋመ አሳይ ይ እንግዛ እማ ኑፕ ኤኪ፥ ጾስ ጋላቶዳይ ጋርክ፥ ይ ኡባ ዎደ ጋን እንግዝታ ማቆዳይ ጋርክ ጾሳይ ይንታን ኡባ ባጋር ዱርሶዳ። 12 Ꮊ ይ እንግዛ እማይ አማንዛ አሳይ ፓጨ ኩን ኣዳ ባዝን አሳይ ጾሳ ጋላትዛ ኦገ ማቅዛ። 13 Ꮊ ይ ኦሳይ ይ አማና ኤርሲ ክርስቶሳ ዎንግለ ይ አማኔዛኔ ኤስ ኪትንቲ ይንትስ የዛ ባዝ ኡንታራኔ Ꮊንክታይር ሻክንቴዝ ግሾስ ኡባይ ጾሳ ቦንቾዳ። 14 ጾሳይ ይንትስ እንጌዝ ኣ ኬሃትይ ግሾስ ኡ ይንትስ ጾሳ ዎስታር ይንታን በአዳይስ ላሞትዛ። 15 ዛዋ ባ ጾስ እማይስ ጾሳይ ጋላትንቶ።