Apocalipse 1

1 ኤለራ ሀኖዳይስ የዛ ባዝ ፋ አይልታ ቤዞዳይ ጋርክ ጾሲ ኤስ እንጌዝ የሱስ ክርስቶሳ ቆንጭይ Ꮊያ። የሱሳ ፋ ኪታንቻ ኪቲ፥ ፋ አይለ ዋንሳስ ቆንጭሴዛ። 2 ዋንሳ ጾሳ ቃላ፥ የሱስ ክርስቶሳ ኦዝባዝኔ ፓ በኤዝ ባዝ ኡባ ማርካቴዛ። 3 Ꮊ ኡባይ ሀኖዳይስ ዎደ ሄሌዝ ግሾስ Ꮊ ትንቢተ ቃላ ናባብዛ ኦካ አንጅንቴዛያ። ማ Ꮊ ቃላ ስእዝታይኔ ጻፍንቴዝ ኪታ ናግዛ ኡባይ አንጀቴዝታ።

ላፑን ኢሳ ዎሳ ኬታይስ ኪትንቴዝ ሳሮ

4,5 Ꮊ ዳብዳባይ፥ ዋንሳፕ፥ ኢሳ ቢታ የዝ ላፑን ዎሳ ኬታይስ ጻፍንቴዛ። ብንካ፥ Ꮊተካ የዝ፥ ቲናፐካ የኦዳይስ የዝ ጾሳይፕ፥ ማ ኤ ዙፋናይ ቲና የዝ ላፑን አያናታይፕ፥ Ꮊይ ጋርክ፥ Ꮊይቆፐ ደንዶር ቲና ማቄዛይፕ፥ ሳአ ካትታ ሞድዛ አማንንቴዝ ማርካ ማቄዝ የሱስ ክርስቶሳፕ፥ ኣ ኬሃትኔ ሳሮት ይንትስ ማቆ።✝1:4 ከስ 3:14፤ ዋን. ቆን. 4:5

የሱሳ ኑና ዶስዛ፥ ማ ፋ ሱር ናጋራ አይለትፕ ኑና ዎዚ ከሴዛ።✝1:4-5 ኢሳ. 55:4፤ ማዝ. 89:27 6 ኑኒ የሱስ ክርስቶሳ አዳይስ ጾሳይስ ኦዳይ ጋርክ ኑና ካተትታኔ ቄስታ ማሄዝ ኤስ መናፐ መና ሄሎዳይስ ቦንቾኔ ዎልቃ ማቆ። አምንኤ።✝1:6 ከስ 19:6፤ ዋን. ቆን. 5:10

7 ይኬ፥ የሱሳ ሻራራ የኦዳ። አስ ኡባይ ሀራ አቶዝን፥ ኤዛ ጫዴዝ አሳይካ ኤዛ በአዳ። ሳአል የዝ አስ ኡባይ ኤ ግሾስ ዬኮዳ። የይ ቱማ ሀኖዳ! አምንኤ።✝1:7 ዳነ. 7:13፤ ማቶ. 24:30፤ ማር. 13:26፤ ሉቃ. 21:27፤ 1ተሰ. 4:17፤ ዛክ. 12:10፤ ዋን. 19:34

8 ብንካ፥ Ꮊተካ የዛይ፥ ቲናፐካ የኦድ ጎዳይ፥ ኡባፕ ዎልቃማ ጾሳይ፥✝1:8 ዋን. ቆን. 22:13፤ ከስ 3:14 «አልፋኔ ኦመጋ ታና»*1:8 አልፋኔ ኦመጋ፦ ግርኬ ዶናር አልፋኔ ኦመጋ ኮይሮኔ ዉርስ ፕዳልታ፤ ብርሸይካ ደንዶኔ ዉርስ ጉሲ። ዬግዛ ጎዳይ ጾሳይ።

ክርስቶሳ ቆንጭር በንት

9 ታኒ፥ ዋንሳ፥ ይ እሻይ፥ ይንታር ፐትፕ የሱሳር ኤ መቶ፥ ኤ ካተትኔ ኤ ዳንዳአ በኤዛ። ታኒ ጾስ ቃላ ግሾኔ የሱሳባዝ ማርካቴዝ ግሾስ ፕጽሞ ግዝ ሃር ማርንቴዝ ቢታል ታ የዛ። 10 ጎዳይ ጋላስ ታ አያናር የዛ፤ ታፕ ጉየር ቱቱሎ ፑጎ ጋርክ ግታ ጊር ታ ስኤዛ። 11 የ ጊርይ ታና፥ «ነ ብእዛና ማጻፋይድ ጻፊ፥ ኢሳ የዝ ላፑን ዎሳ ኬታይስ፥ ኤፈሶነስ፥ ሳምርኔሳስ፥ ጰርጋሞናስ፥ ትያትሮናስ፥ ሳርዴሳስ፥ ፍላደልፋስኔ ሎዶቃስ ዳኮባ» ዬጌዛ።

12 ታኒ ታስ ኦድዛ ጊር በአዳይስ ጉየ ማቂ ጾምፐ ጋድዝ ላፑን ዎርቃ ኮችታ በኤዛ። 13 የ ኮችታይ ጋንጨ አስ ናአ ኣዝዛና ታ በኤዛ። ኤ አዱስ አፍላ ፋ ቶኬ ሄል ማኤዛ፥ ዎርቃ ዳንጮር ፋ ትራ ዳንጬዛ።✝1:13 ዳነ. 7:13፤ ዳነ. 10:5 14 ኤ ኦማይኔ ኤ ብናናይ ቦ ዱር እክሰ ጋርከኔ ሻች ጋርከ፤ ኤ ኣፋይካ ታማ ላ ኣዝዛ።✝1:14 ዳነ. 7:9 15 ኤ ቶካይ ታማር ቴሌዝ ዞቄዝ ናሰ ብራታ ኣዝዛ፤ ኤ ግርይካ ግታ ጋመ ሃታይ ኦሽች ጋርከ።✝1:15 ኢዝቀ. 1:24፤ 43:2 16 ኤ ፋ ኡሻች ኩሸር ላፑን ጾልንትታ አይኬዛ። ኤ ዶናይፕ ናምኢ ባጋር ሌፍንቴዝ ኦጮ ማሻ ከዜዝ። ኤ ስናይ ሴታ ጋላሳ አዋ ኣፈ ኣዝዛ።

17 ታኒ ኤዛ በኤዝ ዎደ Ꮊይቄዝ አስ ጋርክ ሀኒ ኤ ቶኬ አቻ ፖኬዛ። ኤ ፋ ኡሻቻ ኩሻ ታል አፋ ጋዲ፥ «ያሽትፐ፤ ቲናይ ዉርስይ ታና።✝1:17 ኢሳ. 44:6፤ 48:12፤ ዋን. ቆን. 2:8፤ 22:13 18 ታኒ የዛያ፤ ታኒ Ꮊይቄዛ ዝን መ መናስካ ፓ የዛ። Ꮊይቆኔ ስኦለ ቁልፐ ታ ኩሸ የዛ። 19 ይኬ፥ Ꮊት ሀንዛባዝኔ ቲናፕ ሀኖድ ባዝ ነ በኤዝ ባዝ ጻፎባ። 20 ኔኒ ታ ኡሻች ኩሻይድ በኤዝ ላፑን ጾልንትታኔ ላፑን ዎርቃ ኮችታይ ብልእይ Ꮊይ፦ ላፑን ጾልንትታይ ላፑን ዎሳ ኬታይ ኪታንችታ፤ ላፑን ዎርቃ ኮችታይ ላፑን ዎሳ ኬታ።»