ማታምታይ ዶይንቶ
1 ዱራይ ላፑን ማታምታይፕ ፐታ ዶዮዳር በኤዛ። ማ ኦይዲ መትታይፕ ፐታይ፥ ዳዳ ጋርክ ጉምር፥ «Ꮊና የኦባ!» ዬጎዳር ታ ስኤዛ። 2 የይፕ ቦ ፋራ ታ በኤዛ። የ ፋራ ቶጌዛይ ዶንገ አይኬዛ፤ ኤ ኦማይስ ዛዉደ እንግንቴዛ። ኤካ ጋምዛያ ማቂ ጋምፕ ጋምኮ Ꮊማዳይስ ከዜዝ።6:2 ዛክ. 1:7
3 ማ ዱራይ ናምእን ማታማ ዶዬዝ ዎደ ናምእን መትይ፥ «Ꮊና የኦባ!» ዬጎዳር ስኤዛ። 4 ማ ሀራ ስሃ ዞቆ ፋራ ከዜዝ። የ ፋራ ቶጌዛይስ ቢታላፕ ሳሮ ብሶዳይ ጋርከኔ አሳይ ዎል ዉርሶዳይ ጋርክ ማዉተኔ ግታ ማሻ እንግንቴዛ።6:4 ዛክ. 1:7
5 ዱራይ ሀይን ማታማ ዶዬዝ ዎደ ሃይን መትይ፥ «Ꮊና የኦባ!» ዬጎዳር ታ ስኤዛ። የይፕ ካር ፋራ ታ በኤዛ፤ ፓራይል በቴዛይ ፋ ኩጬ ምዛነ አይኬዛ6:5 ዛክ. 6:2። 6 ኦይዲ መትታይ ጋንጨፕ ከዜዝ ጊር፥ «ባጋ ክሎ ግስተ፤ ፐቲ ድናረ፥ ማካ ፐቲ ክሎኔ ባጋ ባንጋ ፐቲ ድናረ ማቆ። ዝን ዛይተኔ ዎይነ ቆህፐ» ዬጎዳር ስኤዛ።
7 ዱራይ ኦይድን ማታማ ዶዬዝ ዎደ ኦይድን መትይ፥ «Ꮊና የኦባ!» ዬጎዳር ስኤዛ። 8 የይፕ ጫምፓ ፋራ ታ በኤዛ። የ ፋራ ቶጌዛይ ሱንይ Ꮊይቆ፤ ኤ ላሳ ስኦለ ካልዛ። ኡንትስ አላማይስ ስካ ኦላ፥ ናየ፥ ጋዶራኔ ዶአር ዎሶዳይ ጋርክ ማዉተ እንግንቴዛ።6:8 ኢዝቀ. 14:21
9 ዱራይ እችን ማታማ ዶዬዝ ዎደ ኡንቲ ጾስ ቃላ ኦዴዝ ግሾኔ ፋ ማርካትይር አማንንቴዝ ግሾስ ሹክንቴዝ አሳይ ሸምፕታይ ያርሾ አቆፕ ኦሞ የዛና ታ በኤዛ። 10 ኡንቲ ፋ ቃላ ቅ ኡዲ፥ «ኡባ ሞድዝ ጎዳዮ፥ ጌሻዮ፥ ቱማንቻዮ፥ ሳአ የዝ አሳይል አፋ ነ ፕርዶዳይኔ ኑ ሱይ ግሾስ ኩሸ ከሶዳይ አይዴ?» ዬጌዛ። 11 ኡንትስ ፐታይስ ፐታይስ ቦ አዱስ ማኦ እንግንቴዛ። ኡ ጋርክ ሀኒ Ꮊይቆዳይስ ቤዝዛ ኡ አይልታይ ዣምታይኔ እሽታይ ታይባይ ኩሞድ ሄሎዳይስ ጽቃ ዎደ ሸምፖዳይ ጋርክ ኡንትስ ኦድንቴዛ።
12 ዱራይ ኡሱፑን ማታማ ዶዬዝ ዎደ ታ በኤዛ፤ ቢታ ዎልቃማ ኤንኦ ኤንኤዛ። አዋ ኣፋይ ካርቲ ካያ አፍላ ኣዝዛ። አግናይካ ዞቂ ሱ ማቄዛ።6:12 ዋን. ቆን. 11:13፤ 16:18፤ ኢሳ. 13:10፤ ኤርም. 2:10 13 ዎልቃማ ጫርኮ ጫርኪ ባላሰ ም ኤንእስን ቃምኤ ኣፋይ ጉፍዛይ ጋርክ ሳሎ ጾልንትታይ ሳአል ጉፌዛ።6:13-14 ኢሳ. 34:4 14 ሳላይ ጻ ማጻፈ ጋርክ ጻጽንቲ ኣዛ፤ አምብታይኔ ሃር ማርንቴዝ ቢትታይ ፋ አቃይፕ ቤዛ።6:14 ዋን. ቆን. 16:20 15 ጋደ ካትታይ፥ ጋደ ሀርዝታይ፥ ኦላ ካልዝታይ፥ ዱርታይ፥ ዎልቃምታይ፥ አይልታይኔ፥ ዎማንታይ ኮምእታይዳኔ አምባል አፋ የዝ ዛልታይ ጋንጨ ቆስንቴዛ።6:15 ኢሳ. 2:19 16 ኡንትካ አምብታይኮኔ ዛልታይኮ፥ «ኑል አፋ ዎይታ፤ ኑና ቆሶይታ፤ ዙፋነል አፋ በቴዛይ አፋይፐኔ ዱራይ ካቻይፕ ኑና ገንይታ።6:16 ሆሳ. 10:8፤ ሉቃ. 23:30 17 ኡ ግታ ካቺ ጋላሳይ የኤዛ፤ ኦኖ ዳንዳኢ ኤቆዳይ?» ኡ ዬጌዛ።6:17 ኤርም. 2:11፤ ሚል. 3:2