ባብሎነ ቦ
1 የይፕ ጉየ፥ ግታ ማዉተር የዝ ሀራ ኪታንቻይ ሳሎፕ ዎዳር ታ በኤዛ። የ ኪታንቻይ ቦንቻይ ሳአ ፖእሴዛ። 2 ፋ ቃላ ቅ ኡዲ፥
«ዳማ ባብሎነ ቤዛ! ኤ ቤዛ!
ባብሎነ ጋለነስ አቅዛ አቆ ማቄዛ።
ዱማ ዱማ ቱና አያንታይስ ኬ ማቄዛ፤
ቱናኔ ፍልንቴዝ ካፍታይ ሸምፕዛ አቆ ማቄዛ።18:2 ኢሳ. 21:9፤ ኤርም. 51:8፤ ዋን. ቆን. 14:8፤ ኢሳ. 13:21፤ ኤርም. 50:39
3 አስ ዘረ ኡባ ፋ ላመ ዎይና ኡሼዛ።
ሳአ ካትታይ ኢር ላሜዛ። ኢስ የዝ አቆፕ ኣዝ ዱረትይፕ ደንዴዛይድ
ቢታል የዝ ዛልእዝታይ ዱረቴዛ»
ዬጌዛ።18:3 ኢሳ. 23:17፤ ኤርም. 51:7
4 የይፕ ጉየ፥ ታ ሳሎፕ Ꮊይ ጋርክ ዬግዝ ሀራ ግርሲ ስኤዛ።
«ታ ዎይታዮ እ ናጋራ ኢር ኮጻማይ ጋርከኔ፥
እዛ ኤኮዳይስ የዝ ሴራ ይ ኤካማይ ጋርክ፥
ኢፐ ከዞይታ።18:4 ኢሳ. 23:17፤ ኤርም. 51:7
5 ይኬ፥ እ ናጋራይ ሳሎ ሄሎዳይስ ዶርንቴዛ።
ጾሲ እ ናቃ ቆፔዛ።18:5 መ. 18:20
6 እዛ እንጌዛን ጋርክ ማሂ ኢስ እንጎይታ።
እዛ ኦዝ ኦሳይስ ናምኢ ኩሸ ኢስ ማሆይታ።
እዛ ዋላኬዝ ኡሻይል አፋ ይ ናምኢ ኩሸ ዋላክንቴዝ ኡሽ እ ጹአይድ ኩንይታ።18:6 ማዝ. 137:8፤ ኤርም. 50:29
7 እዛ ቦንችንቴዛኔ ኢስ ጊጌዛይ ጋርክ፥
ኢስ መቶኔ ካዮ እንጎይታ።
እዛ ፋ ዎዛናይር፥
‹ታኒ ካታቲ ጋርክ በቴዛ፤ ታ ኣዝን ባ ማች ባያ፤
ታኒ ኡባራካ ካያካ የሻ ታን በአሚ› ዬጌዛ።
8 የይ ግሾስ፥ ቦሻ ኡባይ፥ Ꮊይቆ
ሀርገ፥ ካያኔ ናየ እዞ ፐቲ ጋላስ አይኮዳ።
ማ እዛ ታማር ጹግንቶዳ፤
አብስ ጊኮ፥ እዝል አፋ ፕርድዛ ጎዳ ጾሳይ ዎልቃማ»
ዬጌዛ።18:7-8 ኢሳ. 47:7-9
9 «ኢር ላሜዝታይስኔ እ ጊጋይድ የዜዝ፥ አላመ ካትታይ የ ካታምታ ጹግንትን ከዜዝ ጩያ በኤዝ ዎደ ኢስ ኡኪ ዬኮዳ።18:9-10 ኢዝቀ. 26:16-17 10 ኡንቲ የ ካታምት ዋየ ብኢ Ꮊሽቴዝ ግሾስ ሃኪ ኤቂ፥
«‹Ꮊ ግታ ካታምተ! ዎልቃማ ካታምተ!
ባብሎነ፥ ነና አየ! አየ!
ኔኒ ፐቲ ሳተ ጋንጨ ነ ፕርዳ ኤኬዛ› ዬጎዳ።
11 «ኡ ማርካበ ጫና ይከፕ ዎንግዛ አስ ባዛይ ግሾስ ሳአ የዝ ዛልአንችታይ የ ካታምትስ ዋስዛ ካዮትዛ18:11 ኢዝቀ. 27:31 12 ኡ ማርካባይድ ጫንንቴዛይካ ዎርቀ፥ ብራ፥ ቦንቾ ሹቺ፥ እንቆ ግዝ አልኦ ሹቺ፥ ሌኦ ማኦ፥ ጩልኮ ማኦ፥ ሊኖ ማኦ፥ ሀረ ማኦ፥ ዞቆ ማኦ፥ ዱማ ዱማ ሳዉዛ ም፥ ዛለ አቻፕ፥ አልኦ ምፕ፥ ናሰ ብራታፕ፥ ጎለ ሹቻፕ ኦንቴዝ ሚሻ ኡባ፥18:12-13 ኢዝቀ. 27:12-13፥ 22 13 ቃራፋ፥ ሳዎ፥ እጻኔ፥ ካርበ፥ ሽቶ፥ ዎይነ፥ ዛይተ፥ ሊቆ ለ፥ ግስተ፥ መሄ፥ ዱረ፥ ፋራ፥ ፋራ ጋረ፥ አይልታኔ ሀራ አስታ።
14 «ዛልአንችታይ አስትኮ፥ ‹ኔኒ አሞቴዝ ሎኦ ባዝ ኡባይ ኔፕ ቤዛ። ነ ሻላይኔ ቡቁርታይ ኡባይ ኔፕ ሃኬዛ። ኔኒ ማሂ ኡንታን የሻ ደንጋሚ› ዬጌዛ። 15 የይትታ ዛልእ ዱረቴዝ ዛልአንችታይ እ መታ ያሽቲ ኢፕ ሃኪ ኤቆዳ። ኡንቲ ዬኮዳኔ ካያቶዳ።18:15 ኢዝቀ. 27:31 16 ማ፥
«‹ሊኖ ማኦ፥ ሌኦ ማኦኔ ዞቆ ማኦ ማኢ፥
ዎርቃር፥ ቦንቾ ሹቻራኔ እንቆ ግዝ አልኦ ሹቻር ቡቁርንቴዛ፥
የ ግታ ካታምታ አየ! አየ!
17 Ꮊይ ጋርክ ግታ ሻሎ ኡባይ ፐቲ ሳተር ቤዛ› ዬጌዛ።
«ማርካበ ላግዝታይ ኡባይ፥ ማርካበር Ꮊንግዝታይ ኡባይ፥ ማርካበል አፋ ኦዛ ኡባይኔ አባል ዛልእዛ ኡባይ ሃኪ ኤቄዛ።18:17 ኢሳ. 23:14፤ ኢዝቀ. 27:26 18 የ ካታምታ ጹግንትን ከዜዝ ጩያ በኤዝ ዎደ ‹Ꮊ ዎልቃማ ካታምቶ ኣዝዛ ሀራ ካታማ የነሻ?› ዬጌዛ።18:18 ኢዝቀ. 27:32 19 ኡንቲ ፋ ኦማል ቡልአ ቆል፥ ዬኬዛኔ ካያቴዛ።
«‹አባል አፋ ማርካብታይ የዝ ኡባይ፥
እ ሻላይድ ዱረቴዝ ኡባይ፥
የ ካታምታ ፐቲ ሳተ ቤዝ ግሾስ
እዞ አየ! እዞ አየ!
20 ሳሎ፥ እ ባይድ ኡፋይቶባ!
ጌሽታዮ፥ ሀዋርታዮ፥ ናብታዮ፥
ጾሲ ይ ግሾስ ኢል አፋ ፕርዴዝ ግሾስ ኡፋይቶይታ›»
ዬጌዛ።18:20 ኢዝቀ. 27:30፤ ናምእ. 32:43፤ ኤርም. 51:48
21 የይፕ ጉየ፥ ፐቲ ምኖ ኪታንቻይ ዎጻ ኣዝዛ ግታ ሹች ደን አባ ጋንጨ ግታር፥ «ዳማ ካታምታ ባብሎነ ዎልቃር ኡርቅንቲ Ꮊይ ጋርክ ፖኮዳ፤ እዛ Ꮊይኖፕ ጉየ ኡባራካ በንታሚ።18:21 ኤርም. 51:63 22 ዲ ዲጽዝታይኔ የጽዝታይ፥ ሹልሹሎኔ ቱልቱላ ፑግዝታይ፥ ይከፕ ጉየ ነ ጋንጨ ኡባራካ ስእንታሚ። አብ ኩሸ ህላር ኦዛ አስካ ነ ጋንጨ በንተና። ዎጻ ግርስ ይከፕ ጉየ ነ ጋንጨ ስእንታም።18:22 ኢሳ. 24:8፤ ኢዝቀ. 26:13 23 ጾምፐ ፖኦ Ꮊይፕ ጉየ ነ ጋንጨ ፖኤና። ማቾ ኤክዛይኔ ኣዝን ገልዝታይ ግርሳይ ይከፕ ጉየ ነ ጋንጨ ስእንታም። ነ ዛልአንችታይ ቢታ ኡባይል ኤርንቴዝ ዎልቃምታ። ነ ቢታይር ዎያ ኡባ ባልዛ» ዬጌዛ።
24 ናብታይ ሱ፥ ጌሽታይ ሱኔ ቢታል ሹክንቴዝ አስ ኡባ ሱ እ ጋንጨ በንቴዝ ግሾስ ባብሎነ ፕርድንቴዛ።18:24 ኤርም. 51:49