1 የይፕ ጉየ፥ Ꮊይ ጋርክ ዬግዝ ዎያ ጊር ኣዝዝ ዎልቃማ ኦሽር ሳሎፕ፥

«ሀለ ሉያ!

ፓጾትኔ ቦንቾ ዎልቃይካ ኑ ጾሳይስ ማቆ።

2 ኤ ፕርዳይ ቱማኔ ሉለ።

ቢታ ፋ ኢታ ላመር ቱንሴዛኖ ጾሲ ፕርዴዛ።

ጾሲ ፋ አይልታይ ሱ ኢፐ ኤኬዛ»

ዬጎዳር ታ ስኤዛ።✝19:2 ናምእ. 32:43፤ 2ካት. 9:7

3 የ አሳይ ማሂ ፋ ቃላ ቅ ኡዲ፥

«ሀለ ሉያ።

የ ካታምታ መናስ ፑድ አፋ ጩይታር የዞዳ»

ዬጌዛ።✝19:3 ኢሳ. 34:10

4 ላታማኔ ኦይዲ ጭምታይኔ ሸምፖር የዝ ኦይዲ መትታይ ዙፋናይል በቴዝ ጾሳይስ ጹጉኒ፥

«አምንኤ! ሀለ ሉያ»

ዬጊ ጎይኔዛ።

5 የይፕ ጉየ፥

«ጾስ አይልታይ፥

ጾስስ ያሽትዝ ጽቅታይኔ ዳምታይ ኡባይ፥ ኑ ጾሳይ ጋላትንቶ»

ዬግዝ ጊርይ ዙፋናይፕ ከዜዛ።✝19:5 ማዝ. 115:13

6 የይፕ ጉየ፥ ጋመ አስ ጋርክ አዉክዝ፥ ዎልቃማ ጎግዝ ዳማ ሃ ጉምኔ ዳዳ ሳር ጋርክ ጊርይ፥

«ሀለ ሉያ፤

ኑ ጎዳይ፥ ኡባ ዳንዳእዛ ጾሳይ ካዉቴዛ።✝19:6 ኢዝቀ. 1:24፤ ማዝ. 93:1፤ 97:1፤ 99:1

7 ዱራይ ቦሳይ ሄሌዝ ግሾኔ፥

ኤዛ ገልዛና ጊጌዝ ማቄዝ ግሾስ Ꮊና የኦይታ

ዎላ ኡፋይቶዳ፥ ጋላቶዳኔ ኤዛ ቦንቾዳ።

8 ፖጭዛኔ ጌሽ ማቄዝ ሌኦ

ማኦ ማኦዳይ ጋርክ ኢስ እንግንቴዛ»።

(ሌኦ ማአይ ጌሽታይ ጽሎ ኦሳይስ ኣዝሶ።)

9 የይፕ ጉየ፥ ኪታንቻይ ታኮ፥ «ዱራይ ቦሳይ ሙነይስ ጼግንቴዝታይ አንጅንቴዝታ» ግ ጻፎባ። የ ኪታንቻይ ጉጂካ፥ «Ꮊይ ጾስ ቱማ ቃላ» ዬጌዛ።✝19:9 ማቶ. 22:2

10 የ ዎደ ታ ኤዝስ ጎኖዳይስ ኤ ቶካይል አፋ ጉጲፕንጌዛ። ዝን ኤ፥ «የያ ኦፐ! ታኒ የሱሳባጋ ማርካትዝ ነ ጋርከኔ ነ እሽታይ ጋርከ፤ ጾስስ ጎይኖባ ዬጌዛ። ይኬ፥ የሱሳ ባጋ ማርካቴዛይስ ናበት አያና ታኮ» ዬጌዛ።

11 የይፕ ጉየ፥ ሳሎ ዶይንትን፥ ኤዛይድ ቦ ፋራ የዛና ታ በኤዛ። የ ፋራ ቶጌዛይ አማንንቴዛኔ ቱማንቾ ግንትንትዛያ። ኤ ጽሎትር ፕርድዛኔ ኦልንትዛ።✝19:11 ኢዝቀ. 1:1 12 ኤ ኣፋይ ታማ ላ ኣዝዛ፤ ኤ ኦማይል ጋመ ዛዉድታይ የዛ። ኤፕ አትን ሀራ ኦንካ ኤሮዋ ኤል ጻፍንቴዝ ሱን የዛ።✝19:12 ዳነ. 10:6 13 ኤ ሱር ሙክንቴዝ ማኦ ማኤዛ፤ ኤ ሱንይካ ጾስ ቃላ። 14 ቦኔ ጌሽ ሊኖ ማኦ ማኤዝ ሳሎ ኦላንችታይ ቦ ፓርታ ቶጊ ኤ ገደኖ ካልዛ። 15 ዎይታ ጋችዛ ኦጮ ማሻ ኤ ዶናይፕ ከዝዛ። ኤ ብራታ ጉፈራ አሳ ሃሮዳ። ኡባፕ ዎልቃማ ጾስ ካች ዎይነ ኡሻ ቡልዝ አቃ ኤ የዳ።✝19:15 ማዝ. 2:9፤ ኢሳ. 63:3፤ ኢዩ. 3:13፤ ዋን. ቆን. 14:20 16 ኤ ማአይል አፋኔ ኤ ዎድራይል አፋ፥ «ካትታይ ካትኔ ጎድታይ ጎዳ» ዬግዝ ሱንይ ጻፍንቴዛ።

17 የይፕ ጉየ፥ አዋል አፋ ኤቄዝ ፐቲ ኪታንቻና ታ በኤዛ። የ ኪታንቻይ ሳሎራ ፕራዛ ካፎ ኡባይስ ፋ ቃላ ቅ ኡዲ፥ «Ꮊና የኦይታ! ጾሳ ስብረ ማዳይስ ፐቲ አቆ ሺቆይታ።✝19:17-18 ኢዝቀ. 39:17-20 18 ካትታይ አሾ፥ ሻላቅታይ አሾ፥ ዎታዳርታይ አሾ፥ ፓርታይ አሾ፥ ፓርታ ቶግዝታይ አሾ፥ አስ ኡባይ አሾ፥ አይልታይ አሾ፥ ዎማንታይ አሾ፥ ግትታይኔ ጽቅታይ Ꮊ ኡቢታይ አሻ ሞይታ» ዬጌዛ።

19 Ꮊይ ጋርከካ ዶአይ፥ ፋራ ቶጌዝታይራኔ ኤ ኦላንችታይራ ኦልንቶዳይስ ሳአ ካትታይኔ ኡ ኦላንችታይ ፐቲ አቆ ሺቄዛዝን ታ በኤዛ። 20 ዝን የ ዶአይ አይክንቴዛ ኤ ሱንይር ማላባዝ ኦዝ ዎርዶ ናባይ ኤዛር ፐትፕ አይክንቴዛ። ኤ ቲናይድ ማላባዝ ኦዝታይ ዶአይ ማላይ የዝታኔ ኤ ምስላ ጎይንዝታ ኤ ባልዛ። ዶአኔ ዎርዶ ናባይ ናምአይካ ዲኔ ኤጽዝ ታማ ኣባይድ ፓ ኦልንቴዛ።✝19:20 ዋን. ቆን. 13:1-18 21 አቴዝታይ ቦሀ ፋራ ቶጌዛይ ዶናይፕ ከዜዝ ማሻይር Ꮊይቄዛ። ካፍታይ ኡባይ ኡ አሻ ም ካሌዛ።