2 Mo ï’dï kö’du zi vo kanye zi da Yemisi öndu 'ba Yowani kikye kulu aba. 5 Mati Petero ëdï na sesi mï kamba, vïdï 'ba kanisa ɔrɔnnï dë ta bi 'ba mötu zi Wïrï ga kö’du mo.
12 Here Petero ï’bë zi liŋɔ 'ba Mariya, ma 'ba Yowani Marako. Vo lö’böwë 'ba Yere ayinnï ga bi kölö ani, ehe ëdïnnï amötu. 13 Petero akökö ha resi, ehe vo kalima mbara maako ru mo Roda, ayi ha loko zi dɔ mo ya’ba. 14 Mati mo owo gu Petero, mo rakyenyi aba ndra, mo ayëhu ha resi dë. Mo aho hulëhu loko, ehe iya zi vïdïyë henye Petero ëdï atɔrɔ ani. 15 Mora vïdï biya ayadannï zi mo, iyannï henye, "Yï vo nökyï." Mora mo zɔ kiya henye, ne Petero ra. Here zë iyannï henye, "Ne malayika ɔmo ra."
16 Petero zɔ kökö, le mï ndundu mo zë ayëhunnï ha resi. Zë ongɔnnï mo ehe zë na rakaga.