Tayi 'ba Lawo Laka
1 Mï ko’do tayi 'ba Lawo Laka aba, vo lö’böwë ga Yere biya ga bi kölö. 2 Kandi kpɔrɔ aa ta komorïyë kaa taa 'ba buluku mora oso ndɔ mï loko mati zë atɔtɔ rë nnï 'dɔmo ne. 3 Here zë ongɔnnï wa alaya kaa ndende wa’do ta bi lasi apere rë nï yaga alima da vïdï biya na kölö kölö. 4 Zë biya osonnï ndɔ Lawo Laka aba, ayetonnï me’do tëmï ha maakowe, kaa mati Lawo Laka ï’dï zë zi me’do.
16 Nenye ëdï kö’du mati Wïrï ayada zi nëbï Yowele kiya,
17 Ëzë ndundu 'ba ko’do ɔkɔ ku,
ma kï’dï Lawo Laka ama zi vïdï biya.
Gisi 'be ma kora mïnzö ëtï akayëtïnnï kö’du kise 'bama.
Gisi kora ɔbiye akongɔnnï wa kazi Wïrï.
Korokyedre 'be wïrï akisi zë.
38 Petero iya zi zë henye, "Otɔ de zi Wïrï tëmï kö’du kyënyë ko’dɔ biya, ïrïyë bapatisi mï ru Yësu Korisitɔ, zi ye kila ga kö’du kyënyë 'be, ehe akïrïyë wakï’dï 'ba Lawo Laka. 41 Mï kadra nani vïdï kpulukuwota omannï mï kö’du kise, ïrïnnï bapatisi, adrɔko da watiti 'ba vo kö’du kombe.