41 Mï kadra nani vïdï kpulukuwota omannï mï kö’du kise, ïrïnnï bapatisi, adrɔko da watiti 'ba vo kö’du kombe.

42 Zë ayaŋa kadra 'bënnï mï kö’du yandi kazi vo lïtuwë, rakida, wakonyo 'ba Yere, mötu aba. 43 Vïdï biya na rakaga ehe na tere ga kö’du wakoro kayo ehe kyïnë wa mati vo lïtuwë o’dɔnnï. 44 Vo kome nduwë rë nnï tɔtɔ ga bi kölö ehe zë ayanyannï mï wa mati zë ëdïnnï mo aba. 45 Zë ogonnï wasisi 'bënnï yaga, ehe ï’dïnnï kɔhi mo zi vïdï ma omba. 46 Ko’do ta ga ko’do, zë atɔtɔ rë nnï mï yëkëlu. Zë onyonnï wa bi kölö mï liŋɔ kutu kutu ehe ayanyannï mï wakonyo 'bënnï na rakyenyi kazi dakumbë, 47 ëzë ëdïnnï Wïrï yeto. Vïdï biya omba zë. Ta ga ko’do 'duwï Yere ayövu zë mati ayɔmɔ ku.