11 ዬካፓ ጫሪንጫ ቡሊ''ንቴም፥ ዒኢካ ቦኦሬ ፓሮ ታ ዴንቄኔ፤ ፓራሢ ቶጌሢ፦ «ጉሙርቂንታያ ሃሣ ጎኔ ዓሲ» ጌይንታያኬ፤ ዒዚ ፂሉ''ሞና ዎጋያ ሃሣ ዖልታያኬ። ✝ 12 ዓኣፓ ዒዛኮ ዔኤታ ታሚ ማላኔ፤ ሃሣ ዒዛኮ ቶኦኮ''ይዳ ቦንቾሮ ዓጎ ባካ ሚርጌ ዓጊንቲ ዓኣኔ፤ ዒዛይዳፓ ዓታዛ ሜሌ'' ዖኦኒያ ዔሩዋያ፥ ፃኣፒንቴ ሱ’ንሢ ዒዛይዳ ዓኣኔ፤ ✝ 13 ዒዚ ሱጉሢ ሄሊ'' ፑርቲሴ ማኣዖ ማይንቲ ዓኣኔ፤ ዒዛኮ ሱ’ንፃ «ፆኦሲ ቃኣላ» ጌይንታያኬ። 14 ዒማ''ና ቦኦሬ ፓሮ ቶጌ፥ ቦኦሬ ጌኤሺ ዓፒላ ማይንቴ፥ ጫሪንጫ ዓኣ ዖሎ ዓሳ ዒዛ ጊንፆ ዓኣዻኔ፤ 15 ሜሌ'' ዴሮ'' ዖሊ ባሻንዳ ዓጬ፥ ጬንቻ ዓፓሮ ዒዛኮ ዻንጋፓ ኬስኬኔ፤ ዒዚ ሚጪንቱዋዖ ሄ’ርቂ ዔያቶ ዎይሣንዳኔ፤ ሃሣ ዒዚ ቢያ ባኣዚ'' ዳንዳዓ ፆኦዛሢኮ ዼኤፖ ዻጎና ዎይኖ ሄ’ርቂ ጩኡጶ ቤዛ ዎይኖ ሄ’ርቃንዳኔ፤ ✝ 16 ዒዛኮ ማኣዓሢና ጉባዞ''ናይዳ፦ «ካኣቶ''ኮ ካኣቲ፥ ጎዳቶኮ ጎዳ» ጋዓ ሱ’ንሢ ፃኣፒንቲ ዓኣኔ።