Miquéias 3

Ngā Ariki Kino me ngā Poropiti Kino

1 Ā, i mea ahau:

"Whakarongo mai, e ngā upoko o Hākopa,

e ngā ariki o te whare o Īharaira!

He teka ianei mō koutou te mātauranga ki te whakawā?

2 E kino nā ki te pai, e aroha nā ki te kino;

e tīhore nā i tō rātou kiri i ō rātou tinana,

i tō rātou kikokiko i ō rātou wheua;

3 e kai nā hoki i ngā kikokiko o tāku iwi;

e tīhore nā i tō rātou kiri i ō rātou tinana,

e wāwāhi nā i ō rātou wheua;

āe rā, e tapatapahia rawatia ana e rātou,

ānō he mea mō te kōhua,

ānō he kikokiko i roto i te kōhua nui."

4 Ko reira rātou karanga ai ki a Ihowā,

heoi e kore ia e whakahoki kupu ki a rātou.

Āe rā, ka hunā e ia tōna mata ki a rātou i taua wā,

ka rite ki tō rātou kino i mahia e rātou.

5 Ko te kupu tēnei a Ihowā:

"Mō ngā poropiti e whakapōhēhē nei i tāku iwi,

e ngau nei ō rātou niho,

me te karanga, ‘He rongo māu’;

ā, ki te kāhore e komotia e tētahi he mea ki ō rātou māngai,

ka tino anga rātou ki te whakataka whawhai ki a ia.

6 Mō reira ko te pō mō koutou,

e kore ai he kite ki a koutou;

ā, ka pōuri ki a koutou,

e kore ai koutou e kite tikanga;

ā, ka tō te rā ki ngā poropiti,

ā, ka mangu te awatea ki runga ki a rātou.

7 Ā, tērā e whakamā ngā matakite,

e numinumi hoki ngā tohunga tūāhu;

āe rā, tērā rātou katoa e ārai i ō rātou ngutu;

nō te mea kāhore he kupu whakahoki a te Atua."

8 Otiia, he pono, kua kī ahau i te kaha,

he mea nā te Wairua o Ihowā,

i te whakawā hoki, i te mana,

kia whakaaturia ai e ahau ki a Hākopa tōna poka kē,

ki a Īharaira tōna hara.

9 Tēnā rā, whakarongo ki tēnei,

e ngā upoko o te whare o Hākopa,

e ngā ariki hoki o te whare o Īharaira,

e whakarihariha nā ki te whakawā,

e whakapeau kē nā i te tika katoa.

10 E hanga ana rātou i Hiona ki te toto,

i Hiruhārama ki te hē.

11 E whakawā ana ōna upoko, he mea nā te patipati,

e whakaako ana ōna tohunga, he mea nā te utu;

ko ōna poropiti nā te hiriwa i kite tikanga ai;

otiia kei te whakawhirinaki rātou ki a Ihowā, kei te mea,

"He teka ianei kei roto a Ihowā i a tātou?

E kore tētahi hē e pā ki a tātou."

12 Mō reira ka parautia a Hiona,

ānō he māra, he mea mō koutou,

ā, ka waiho a Hiruhārama hei pūranga,

ka rite hoki te maunga o te whare

ki ngā wāhi tiketike o te ngahere.

1 And I said, Hear, I pray you, ye heads of Jacob, and rulers of the house of Israel: is it not for you to know justice? 2 ye who hate the good, and love the evil; who pluck off their skin from off them, and their flesh from off their bones; 3 who also eat the flesh of my people, and flay their skin from off them, and break their bones, and chop them in pieces, as for the pot, and as flesh within the caldron. 4 Then shall they cry unto Jehovah, but he will not answer them; yea, he will hide his face from them at that time, according as they have wrought evil in their doings.

5 Thus saith Jehovah concerning the prophets that make my people to err; that bite with their teeth, and cry, Peace; and whoso putteth not into their mouths, they even prepare war against him: 6 Therefore it shall be night unto you, that ye shall have no vision; and it shall be dark unto you, that ye shall not divine; and the sun shall go down upon the prophets, and the day shall be black over them. 7 And the seers shall be put to shame, and the diviners confounded; yea, they shall all cover their lips; for there is no answer of God. 8 But as for me, I am full of power by the Spirit of Jehovah, and of judgment, and of might, to declare unto Jacob his transgression, and to Israel his sin.

9 Hear this, I pray you, ye heads of the house of Jacob, and rulers of the house of Israel, that abhor justice, and pervert all equity. 10 They build up Zion with blood, and Jerusalem with iniquity. 11 The heads thereof judge for reward, and the priests thereof teach for hire, and the prophets thereof divine for money: yet they lean upon Jehovah, and say, Is not Jehovah in the midst of us? no evil shall come upon us. 12 Therefore shall Zion for your sake be plowed as a field, and Jerusalem shall become heaps, and the mountain of the house as the high places of a forest.