Cânticos 2

1 मी सारोन*2:1 सारोन इस्राएल के पूर्वी हिस्से का तटीय स्थान। को गुलाब आय,

मी झिलान हुन को सोसन फूल आय।

दुला

2 जसो सोसन फूल काँटवाला झाड़ हुन को बीच

वसो ही मोरी प्रेमी कुवारी हुन को बीच म है।

दुलन

3 जसो सेप को झाड़ जंगल को झाड़ हुन को बीच म,

वसो ही मोरी प्रेमी जवान हुन को बीच म है।

मी उसकी छाय म मोहित हो ख बठ गई,

अऊर ओको फल मो ख खानो म मीठो लगो।

4 ऊ मो ख अंगूर को मंद को घर म ले आयो,

अऊर ओको जे झंड़ा मोरो उप्पर फहरत रहा ऊ प्रेम हतो।

5 मो ख किसमिस खला ख संभालो,

सेप खला ख तागत देव;

काहेकि मी प्रेम को जुनून म कमजोर है।

6 कास, ओको सिधो हात मोरी मुंड़ को नीचे होतो,

अऊर अपनो जेवनो हात से ऊ मोका सहेला रयो है!

7 हे यरूसलेम की पोरी हुन, मी तुम से चिकारी हुन

अऊर बर्रा म की हिरनी हुन की कसम खला ख कहूं है,

कि जब लक प्रेम खुद नी उठा,

तब लक ओका मत उकसाव मत जगाव।

दूसरो गीत

दुलन

8 मोरो प्रेमी को सब्द सुनाई पड़ह है!

देखो, उ पहाड़ हुन पर कूदह अऊर पहाड़ी हुन ख फांदते हुए आवा है।

9 मोरो प्रेम चिकारो या जवान हरिन को जसो है।

देखो, उ हमरी दीवाल को पीछु खड़ो है,

अऊर खिड़की हुन को तरफ ताक रयो है,

अऊर झरोका म से देख रयो है।

10 मोरो प्रेमी मोसे कैय रयो है।

दुला

ओ मोरी प्रेमी,

ओ मोरी सुन्दरी, उठ ख चली आ;

11 काहेकि देख, ठंड जाते रयो,

बारिस भी हो गई अऊर रुक गयो है।

12 जमीन प फूल दिखई देवा है,

चिड़िया हुन को गान को बखत आ पहुँचियो है,

अऊर हमरो देस म कबूतर को सब्द सुनाई देवा है।

13 अंजीर पकन लग गया है,

अऊर अंगूर की बेला हुन फूल रयी है;

वी महक दे रयी है। हे मोरी प्रेमी,

ओ मोरी सुन्दरी, उठ ख चली आ।

14 ओ मोरी कबूतरी, पहाड़ की दरार हुन म

अऊर चट्टान हुन की गुफा म मो ख अपनो मुंड़ो देखन दा,

मो ख तोरो बोल सुनन दा, काहेकि तोरो बोल मिठो,

अऊर तोरो मुंड़ो बेजा सुन्दर है।

15 जे छोटी लोमड़ी हुन अगूर को बगीचा हुन ख उजाडा है,

उन ख पकड़ ला, काहेकि हमरो अंगूर को बगीचा हुन म फूल लगीया है।

दुलन

16 मोरो प्रेमी मोरो है, अऊर मी ओकी है।

उ अपनी भेड़ बकरी हुन सोसन फुल को बीच चरावा है।

17 जब लक दिन को ठंडा समय न हो जाय

अऊर छाय लम्बी होते होते खतम नी हो जाय,

तब लक हे मोरो प्रेमी, ऊ चिकारा या जवान हरिनी को

जसो बन जे बेतेर*2:17 बेतेर उबड़ खाबड़ पहाड़ी हुन को पहाड़ हुन पर फिराह है।