1 हे मोरी बेजा प्यारी, हे मोरी दुलन,

मी अपनो बगीचा म आयो है,

मी न अपनो गन्धरस अऊर बलसान जमा कर लियो;

मी न सहद समेत छात्ता खाय लियो,

मी न दूध अऊर अंगूर को रस पी लियो।

हे दोस्त हुन, तुम भी खाव,

हे प्रेमी, पियो, मन माने पियो।

2 मी सोतव रा, पर मोरो मन जगत रहा।

सुन! मोरो प्रेमी खटखटावा है,

अऊर कहवा है, ओ बेजा प्यारी,

ओ मोरी प्यारी, ओ मोरी कबूतरी, ओ मोरी नीरमल, मोरो लाने दरवाजा खोल;

काहेकि मोरो सिर ओस से भरो है,

अऊर मोरी बालचोटी रात म गिरी वाली बूंद से भींजी है।

3 मी अपनो कपड़ा उतार चुकी हती,

मी ओ ख फिर कसो पहिनो?

मी ते अपनो पाँय धो चुकी थी,

आबा उन ख कसो मेला करू?

4 मोरो प्रेमी न अपनो हात किवाड़ को छेद से भीतर डाल दियो,

तब मोरो मन ओको लाने उमड़ उठयो।

5 मी अपनो प्रेम को लाने दरवाजा खोलन ख उठी,

अऊर मोरा हात हुन से गन्धरस टपको,

अऊर मोरी अंगुली हुन प से टपकतो हुयो

गन्धरस साकल की मूठ हुन पर पड़ो।

6 मी न अपनो प्रेमी को लाने दरवाजा ते खोल्यो,

पर मोरो प्रेमी पहिले से ही जा चुक्यो थो।

जब मी ओकी आवाज सुना चहाती हती,

मी न ओ ख ढूँढ़ा, पर नी मील पायो;

मी न ओ ख पुकारियो,

पर ओ न कुछ जवाब नी मिल्यो।

7 पहिरेदार जो सहर म घूमत थो,

मो ख मिल्या, उन न मो ख मारियो अऊर अधमरो कियो;

किला की दिवाल ख पहरेदार हुन न मोरी चद्दर मो से छीन ली।

8 हे यरूसलेम की पोरी हुन, मी तुम ख कसम धरा ख कहूँ,

अदि मोरो प्रेमी तुम ख मिल जाय,

ते ओ से कैय देनू कि मी प्रेम म पड़ी हूँ।

9 ओ बाई हुन म सबसे सुन्दरी अऊर तोरो प्रेमी का बाकी हुन से अगल है। की तू हम ख, काहे असी कसम देवा है?

10 मोरो प्रेम गोरो अर खुबसुरत है,

उ दस हजार म अच्छो है।

11 ओकी मुंड़ चोक्खो सोना को जसी है;

ओकी लटकन वाली बाल चोटी कऊवा को

जसी काली है।

12 ओकी आँखी हुन वी कबूतर हुन को जसी है

जो दूध म नहा ख नद्दी को किनारे अपनो झुंड म एक कतार से बठी हुई हो।

13 ओका गाल असो सुन्दर जसो पुरो भरियो हुओ

जड़ी बुटी अऊर गन्धरस को बगीचा को जसो है,

ओका होट सोसन को फुल अऊर

पिघलो हुआ गन्धरस टपकह है।

14 ओका हात म ते ऊ सोना को जसो है

ऐमा महगी मनि जड़ी हुई है।

ओको सरीर ते हाती दाँत म नीलम से जड़ो हुयो है।

15 ओका पाँय सोना पर बिठायो हुओ

संगमर्मर को खम्भा आय।

उ देखन म लबानोन पहाड़ अऊर खुबसुरती म

देवदार को झाड़ हुन को जसो मनोहर है।

16 ओकी आवाज बेजा ही मधुर है,

हाँ ऊ बेजा सुन्दर है।

ओ यरूसलेम की पोरी हुन,

यू मोरो प्रेमी अऊर यू मोरो दोस्त आय।