मत्ती 4

पहला चेलो हुन ख बुलायो जानो

18 जब यीसु गलील कि झील को किनार म फिरत रहा। उनना दो भई हुन ख देखयो समोन, जो पतरस कहलावा हैं, अर ओको भई अन्द्रियास ख। वी झील म जाल डालत रहा काहेकि वी ढ़िमर हता। 19 यीसु न ओसे कहयो, "मोरो पीछे चलो आव, ते मी तुम ख अदमी हुन ख पकड़न वाला बनाऊँ।" 20 वी तुरत अपनो जाल छोड़ ख ओको पीछु चल्या गया।

21 वहा से आगे बढ़ ख, पर यीसु न अऊर दो भई हुन ख देखा जबदी को पोरिया याकूब अर ओको भई यूहन्ना ख। वी अपनो बाप जबदी को संग नाव म अपनी जाल हुन ख सुधारते रहा। यीसु न उनका बुलायो। 22 वी तुरत नाव अर अपनो बाप ख छोड़ ख ओको पीछु चल दिया।