36 Pevavi vakona munjila, vakahika pandu pepavi na manji ndi mundu yula akajova, "Pandu apa pana manji, wu, chivii chindu kiki chechikunibesa nene kubatiziwa?" 37 Filipi akajova, "Ngati wisadika kwa mutima waku woha wihotola kubatiziwa." Namwene akajova, "Nisadika Yesu Kilisitu ndi Mwana wa Chapanga."

38 Hinu myimila hindu yula akahamula mkokoteni wa kubiluswa wula uyima, Filipi na mwene vakahuluka mumanji ndi Filipi akambatiza. 39 Pavahumili mumanji Mpungu wa Bambu amkitili Filipi awuka, myimilila hindu akotoka kumlola kavili, nambu mwene akayendelela na lugendu lwaki kuni avi na luheku.