Veviganakiwa kuvya vamulanda va Yesu
57 Pavagendayi munjila, mundu mmonga akamjovela Yesu, "Yati nikulanda kokoha kula kwewihamba."
58 Yesu akamjovela, "Mahogo gana mbugu za kugona na videge vina chisakanilu nambu mwana wa Mundu avi lepi na pandu pakupumulila."
59 Yesu akamjovela mundu yungi, "Nilandayi."
Nambu mundu yula akamyangula, "Bambu, nileka hoti nihamba nikamuzika dadi wangu."
60 Nambu Yesu akamyangula, "Valeka vevafwili vavazikayi vevafwili vavi, nambu veve uhamba ukakokosa Unkosi wa Chapanga."
61 Na mundu yungi akamjovela, "Bambu yati nikukulanda, nambu nikuyupa nikavalaga hoti vandu va kunyumba yangu."
62 Nambu Yesu akamyangula, "Mundu yeyoha mweikamula ligela kutumbula kulima kuni ilolokesa mumbele, mwenuyo nakuganikiwa muunkosi wa Chapanga."
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)