Marcos 7

11 Nambu nyenye muwula, ngati mundu avi na chindu chakumtangatila dadi waki amala nyina waki, nambu akajova, chindu chenicho ndi ‘Kolibani,’ Mana yaki njombi kwa Chapanga, 12 hinu yikumugana lepi kumtangatila dadi waki amala nyina waki. 13 Chenichi ndi chemukulivevesa Linenu la Chapanga ndava ya mawuliwu ga kuhalilana. Kangi mkita mambu gamahele ngati genago."

Mambu gegakumuhakasa mundu palongolo ya Chapanga

14 Yesu aukemili kangi msambi wa vandu, akavajovela, "Muniyuwanilayi mwavoha na kumanya malovi aga. 15 Kawaka chakulya cheilya mundu chechihotola kumuhakasa palongolo ya Chapanga. Nambu mambu gegihuma mugati ya mundu ndi gegihotola kumuhakasa.