Mateus 8

Sadika ya chilongosi mmonga wa Chilumi

5 Yesu peayingili ku Kapelanaumu, mkulu wa manjolinjoli mmonga wa Loma akambwelela na kujova amtangatila, 6 akamjovela "Bambu mtumisi wangu agonili munyumba, ana utamu wa kupola na iviniswa neju."

7 Yesu akamjovela, "Yati nibwela kumlamisa."

8 Mkulu wa manjolinjoli yula akajova, "Bambu, nigana lepi veve kuyingila munyumba yangu. Nambu ujova ndu linenu na mtumisi wangu yati ilama. 9 Muni, hati namwene namundu mwenivii pahi ya uhotola wa vakulu vangu na nivii na manjolinjoli pahi yangu. Nikuvalagiza manjolinjoli vevavi pahi yangu. Nikumjovela mmonga, ‘Amba!’ Ihamba, na yungi, ‘Bwela,’ Ndi ibwela na mtumisi wangu, henga aga! Namwene ihenga mewa."

10 Yesu peayuwini malovi ago akakangasa neju, akavajovela vandu vevamlandai vala, "Nikuvajovela chakaka, niwene lepi mundu mweavi na sadika yivaha ngati mwenuyu pa Isilaeli. 11 Hinu, nikuvajovela vandu vamahele valabwela kuhuma kwe lihumila lilanga na kuhuma kwa litipama lilanga, vene valatama pamselebuko wa chakulya pamonga na Ibulahimu na Izaki na Yakobo. Muunkosi wa kunani kwa Chapanga. 12 Nambu vala vevaganikiwi kuvya muunkosi wenuwo yati vakuvataga kuvala, kuchitita, kwenuko yati vivemba na kuyaga minu." 13 Kangi, Yesu amjovili mkulu wa manjolinjoli wa ku Loma, "Wuya kunyumba, gavyai mewa ngati cheusadika."

Ndi mtumisi waki alamili lukumbi lulalula.