Mateus 9

2 Penapo vandu vamletili mundu mmonga mweapoli higa, vamgonisi pa lusongwani. Yesu paavaweni chavisadika, akamjovela mundu mweapoli yula, "Jipolesa mtima mwana vangu! Kumbudila kwaku Chapanga ulekekiswi."

3 Vawula vangi va malagizu vakatumbula kuhololela, "Mundu uyu akumliga Chapanga!"

4 Yesu amanyili maholo gavi akajova, "Ndava kyani mhololela gahakau mumtima winu? 5 Chinonopa kiki kujova, ‘Ulekekiswi kumbudila Chapanga waku,’ Amala kujova, ‘Yima, ugenda?’ 6 Hinu, nigana mmanya kuvya Mwana wa Mundu anauhotola pamulima kuvalekekesa vandu gevambudili Chapanga." Penapo ndi akamjovela mundu mweapoli yula, "Yima ugega lusongwani lwaku amba kunyumba yaku!"

7 Na mundu mwenuyo akawuka na kuhamba kunyumba yaki.