Rute 1

8 Endolo Naomi abala na bakio ba nde bali babae boo: «Hadɛdi, bana ba mbai bali, sɔmbɔni, moto na moto odii nango*1, 8 Banɛngɛ ba bato badaka na mitɔbɛ ma bobo ko bana ba bobo bali badaka odii bo.. Yɛɛ bo Kumu akɔe na nu mingandji moda makɔɔ no odii bia ibagwa ko odii mbai. 9 Yɛɛ bo Kumu apɛ enɔli odii omɔti na omɔti ɔ boono odiha esika ɛ iheme ta ndako ɛ moomi.» Bea ababhimba. Endolo ibo basusu babae babanga oyea na ngulu. 10 Ngɔngɔ djia babala na Naomi boo: «Pɛpɛ! Lakeke na wɛ ta ngando ɛ wɛ!» 11 Endolo Naomi abala na bu boo: «Bana ba mbai bali sɔmbɔni ta ndako dja boono. Tina ɛpalaka no ɔkimanenini nda? Nawalea bota koko bana baami ibahɔni oosɔni? 12 Yanani odii no, bana ba mbai bali. Naimei mobange nawetelea bala koko. Ko noko nakabala boo: "Nadii oko na elɛndɛ ɛ obota, ko bulu bu mɛɛnɛ, nadalea na moomi ko naboti bana baami", 13 oombaleani boo bakandoe? Olonaleani obala baami bakina tina ɛ bobo? Pɛpɛ! Bana ba mbai bali! Nadii na boyo bonɛnɛ onɔdja ino! Tina ɛ Kumu aokedjaini saya enɛnɛ mɛɛnɛ.» 14 Bea bakio ba nde babae oyea koko. Ta suka Olopa abhimba okio ba nde tina ɛ obɔtɔnɔ, endolo Luta alona obɔtɔnɔ nɔbɔ nde.