EFEDZE 1

Ebuɛɛn e Pool

15 Obɔ otsɛn bɛn, ŋe ngyoo mɛ̃ ɔ̃sam wu okiool o byɛ onse Mfam Yeso ye wa dzii li edzii byɛ akiool bam bueel, 16 mɛ̃ k’ebeyɔɔl k’ebveel Nziã ãtuɛɛn me ndɔɔ a byɛ wɛ. Mɛ̃ ebetsam me ndɔɔ a byɛ onse ãbuɛɛn ã mɛ̃. 17 Mɛ̃ hɛ̃ ebebii ola Nziã a Mfam a bia-byɛ Yeso Mãsia, Taal nga-omfam, kwɛn Ɔ̃fel a ndɛ awa byɛ ãyal, asuo byɛ hɛ̃ Nziã kwɛn byɛ eyɛɛ ndɛ ngesɛ-ngesɛ. 18 Mɛ̃ ebebuɛɛn hɛ̃ kwɛn ndɛ ayɛɛl mviil m’ɔ̃kwal a byɛ, kwɛn byɛ eyɛɛ kaã li eli onse mbel yi eti ndɛ byɛ, y’opfel b’onɛn b’eluɔ bvi èwa ndɛ baal ba ngel. 19 Obobɔ, byɛ hɛ̃ eyɛɛ waan e ndɛ li enduru okuun, li ésuo ndɛ bia-byɛ b’akiool ye mpɛn yam bibi. 20 Waan olɔ, Nziã ásuo lɔ onse Mãsia ŋ’éseel ndɛ ndɛ onse b’ákwi-ákwi bvool ásuul ndɛ me nsɛn ke ywel, me nkuɔɔl e ndɛ ki elam. 21 Asuul Mãsia oŋɔ̃ ke ywel okwɛn bueel, ke ywel waan lueel, ke ywel omfam bueel, bvool ke ywel a mpɛn yueel, ye nkuun yueel yɛn akoo k’atuaal, ke kɛn a me lio li wɛ, akoo k’atuaal yɔ hɛ̃ onse ɔ̃kiri wu akieel aya. 22 Nziã álɔ eluɔ bvieel ke nsɛn a ntaan e Mãsia*1.22 Ndɔɔ oyɔ ákel yɔ onse ɔ̃nkaan wu Ãnz 8.7, bvool ásuul ndɛ ɔ̃tswɛ wu Ebvɔɔn m’ãndɔɔ mbueel. 23 Lɔ eli nzuru a Mãsia, lɔ eluul me ndɛ wu abeluul eluɔ bvieel m’ãboo mbueel.