Okal ndii me Mãsia
1 Mãsia opaal bia-byɛ onse ebwal, kwɛn bia-byɛ ekal bam ndii. Obobɔ, bia-byɛ etɛɛn ye mpɛn, me ndɔɔ yi ebee onse ebwal ki onkyal obekɔɔl. 2 Mɛ̃ wu Pool eyɛɛn byɛ wɛn, okɛɛn byɛ ewi nzuru kwɛn atsiil byɛ5.2 Pool awa Afi-Ngalati mbyel me ndɔɔ yɛn bɔ ákewa ãnzuru kwɛn atsiil mɔ̃, me ndɔɔ yi akal dzu., ŋɛn Mãsia k’àbekal y’otsɛn me ndɔɔ a byɛ wɛ. 3 Mɛ̃ bvool eyɛɛn byɛ bam wɛn, mbuul wueel wu awa nzuru kwɛn atsiil ndɛ, ebvaan ndɛ akiaal Ngel yam yueel hɛ̃. 4 Byɛ baal b’ebii k’ekal dzu m’okiaal o Ngel, byɛ ŋ’ekab nzuru ye Mãsia. Byam ŋ’epal onse nyiĩ a Nziã. 5 Me b’otal bia-byɛ b’eli y’okiool, bia-byɛ ebeta kaã wɛn Nziã àsuul bia-byɛ dzu. Ɔ̃fel wu asa kwɛn bia-byɛ ekiaal ndɔɔ oyɔ ɔ̃kwal mbaa-mbaa. 6 Ke ngwel wɛ, onse Mãsia, ndɔɔ yi nkiin k’otsiil o nzuru wuo obee o nzuru otsiil wɛ. Ndɔɔ yi nkiin eli kɛn okiool b’osuo nzuru me dzii.