8 तानकेरता आमरा मालीकान हाजाली खोबरीन गोवाय केरीन, एने माहु रेन जो मसीन केयदी हे लाजवाहे मा, पुण ती ताकेत जी बोगवान तुवाह आपेल हे, तान गेत मार हिऱ्यो दुख उखलीन। 9 तो आमरा कामान वोजेसे नाह, पुण तान योजना एने गीण माय आमुह सुटकारो आप्यो एने चोखाली हादावणी माय हाद्यो, ज्यी गीण मसी यीशु फाय आवणे माय आमु पोर ईयेल एती। 10 पुण एवी आमरा सुटकारो केरन्या यीशु मसीन आवणेन द्‍वारे देखानो, जो मोतीन ताकेतीह खेतेम किऱ्यो एने जेलेमक्या जीवणान हाजाली खोबरीन द्‍वारा देखाड्यो।