Lucas 1

मरीयम ने बोड़ायीन गीत

46 तेवी मरीयम केयी, "मारो मोन बोगवानान बोड़ाय किरेह;

47 एने मारो जीव माहु सोड़वणारा बोगवाना पोर खुस ईनो,

48 काहाकाय तो तान चाकेरनी पोर नेजेर टाक्‍यो!

तानकेरता एवी रेन पिढी पिढीन माणहे माहु बोरकेतवाली केती,

49 काहाकाय तो ताकेतवालो बोगवान मार केरता मोट मोटला काम किरेल हे,

तान नाव चोखालो हे;

50 तान गीण ता पोर हे जा ताह बितेह पिढीन पिढी वोर बोणीन रिथे।

51 तो तान ताकेत देखाड्यो जा सोताह मोट मोटला सोमेजताला ताह जोथ तोथा वेर दिनो।

52 बोगवान ताकेतवाला राजाह तान राजगादि पोर रेन उतार दिनो,

एने गेरब्याह उचा किऱ्यो।

53 तो बुखल्याह हाजाली चिज आपीन आफरायेल हे,

एने मालदाराह ठाल्ले आथेच काड़ दिनो।

54 तो तान पावोर इस्राएलाह होमाल लियेल हे,

काय तो तान गीणीह एर केरी।

55 जी अब्राहाम एने तान वोस पोर जेलेम रेय,

जिहकेरीन तो आमरा बाप दादाह कियेल ईतो!"