मरकुस 8

34 ✝ 8:34 मत्ती 10:38; लुका 14:27 बाद माय यीशु माणहाह एने तान चेला आहने हादिन केयो, "जो कुण मार पासाण आवणे हुदेह, ताहार तो आपणे आपाह नाकारी, एने तान खुरूसखाम उखलीन मार पासाण चाल देय। 35 ✝8:35 मत्ती 10:39; लुका 17:33; योहान 12:25काहाकाय जो कुण बी तान जीवाह वोचाड़ने हुदेह तो ताह गोमाड़ देय; पुण जो कुण मार केरता एने मार हाजाली खोबरीन केरता जीव गोमाड़ी, तो ताह वोचाड़ लेय। 36 केदी माणुह आखी केलीन चिजीह काबाम केर लेय एने तान जीवाह दुको एय, ताहार ताह काय फायदो एय? 37 दुनियान काल्ली बी चिज केरीन माणुह तान जीवाह लेय नाह सिकेत? 38 एने जो कुण ज्यी सिनाली एने पापी जातीन विचीम मार हेऱ्या एने मारी वातीह रेन लाजवाती, जेवी मी माणहान बिटोख बी मार चोखाला हेरोगदुता हिऱ्यो एने मार आबाख ने बोड़ाय हिऱ्यो आवुह, तेवी ता हिऱ्यो बी लाजवाह।"