Mateus 20

अंगुरान वाड़ी माय काम केरनारा मोंजऱ्यान किस्सो

1 "हेरगान राज" एगदा गेरान मालक्यान गेत हे, जो विगोस उठीन बाहेर गीयो, काय तान अंगुरान वाड़ीम मोंजर्‍या लागाड़ी। 2 तो मोंजऱ्याह एक दिनार*20:2 एक दिनार मतलब, एक दिह्यान मोंजरी दिह्या पोर ठेरावीन, ताह तान अंगुरान वाड़ी माय मुकल्यो। 3 पुशो तो नोव वासता, निकलीन, दिहरा माणहाह बाजाराम उदेड़ उबरियेल देख्यो। 4 एने ताह केयो, "तुमू बी अंगुरान वाड़ी माय जावो, एने जो काय ठिक हे तो तुमूह आपुह।" 5 तेवी ता बी गीया पोशो तो दिहरे वार बारा वासता एने तीन वाचतान आहने निकलीन तिहेच किऱ्यो। 6 एक पाच वासता तो पुशो निकलीन दिहराह उबरियेल दिख्यो, एने ताह केयो, "तुमू काहा न्या दिह बोर उदेड़ उब रेनाह? 7 ता ताह केया, ‘ज्यानकेरीन काय कुण आमुह काम पोर नाह लागाड्यो,’ तो ताह केयो, तुमू बी अंगुरान वाड़ी माय जावो।"

8 हांज पोर अंगुरान वाड़ीन मालीक तान मुकोड़ दोमाह केयो, "मोंजऱ्याह हादिन पासाणल्याह लागाड़ीन पेल्लाह वोर आखाह मोंजरी आप दे।"✝20:8 लेव्यवस्था 19:13; व्यवस्था 24:15 9 तेवी ता मोंजर्‍या आवा जा पाच वासता लागेल एता, एक गेंटो वोर दिह ईतोन लागेल ताह एक दिनार जुड़नो। 10 जा पेल आयेल एता ता ज्य सोमज्या काय आमुह होवटा जुड़ती; पुण ताह बी एकुस दिनार जुड़नो। 11 जेवी ताह एक दिनार जुड़नो, ते ता मालक्या पोर कुरकुर केरीन केतेह, 12 न्या पासाणल्या एकुच गेंटो काम किरेल एता, एने तो न्याह बी आमरी बाराबोर मोंजरी आप दिनो, जा दिह बोरीन बार विशा, एने दोप वेठ्या? 13 तो ता माय रेन एकाह जापाप आप्यो, "एय दोस्ता मी तार हिऱ्यो काईच गेलेत नाह किरेत; काय तु मार हिऱ्यो, एक दिनार नाह ठेरायेल इतो? 14 ज्यो तारो हे विसले, एने जातरे; मारी आसा ज्यी हे काय जोलोक तुवाह आपेल हे, तोलोस न्या पासाणल्याह बी आपु। 15 काय ज्य हाजो नाह सोतो काय मी मार माला हेऱ्यो जो पोटी तो केरूह? काय मी हाजो रेह केरीन तु खाराब नेजेर केरीन दिखेह?" 16 ✝20:16 मत्ती 19:30; मरकुस 10:31; लुका 13:30तिहेच केरीन जा पासाण हेते, ता ओंगाण एती, एने जा ओंगाण हेते, ता पासाण एती।