3 ହେୱାର୍ ଇ କାତା ୱେନ୍ଞ୍ଜି ରାଜା ହେରଦ୍ ଆରି ଜିରୁସାଲମ୍ନି ୱିଜ଼ାର୍ ବେସି ପାଣ୍ଡ୍ରା ଆତାର୍ । 4 ହେରଦ୍ ୱିଜ଼ାର୍ ମୁଡ଼୍ ମାପ୍ରୁହେବାକିନାକାନ୍ ଆରି ଦରମ୍ ଗୁରୁରିଂ କୁକ୍ଚି ହେୱାରିଂ ୱେନ୍ବାତାନ୍, "ଇନେନ୍କି ମସିୟା ଇଚିସ୍ କ୍ରିସ୍ଟ ଇମେତାକେ ଜଲମ୍ ଆନାନ୍ ?"
5 ହେୱାର୍ ଉତର୍ ହିତାର୍, "ଜିହୁଦା ଦେସ୍ନି ବେତ୍ଲିହିମ୍ତ ।" ଇ ବିସ୍ରେ ରୱାନ୍ ବେଣ୍ବାକ୍ଣାୟ୍କିନାକାନ୍ ଲେକିକିନାନା,
6 "ଜିହୁଦା ଦେସ୍ନି ବେତ୍ଲିହିମ୍ !
ଜିହୁଦାନି ମୁଡ଼୍ ବସ୍ତିକାଙ୍ଗ୍ ବିତ୍ରେ ଏପେଙ୍ଗ୍ ହାରୁକାଦେର୍ ଆକାୟ୍,
ଇନାକିଦେଂକି ନା ଇସ୍ରାଏଲ୍ୟର୍ ମାନାୟାରିଂ ଚାଲାୟ୍କିଦେଂ ଇଞ୍ଜି ମିଙ୍ଗ୍ତାଂ ରୱାନ୍ ନେତା ହତ୍ନାନ୍ ।"
7 ଇଦାଂ ୱେନ୍ଞ୍ଜି ହେରଦ୍ ୱେଡ଼ାହନି ଦେସ୍ନି ହେ ପଣ୍ଡିତାରିଙ୍ଗ୍ ଡ଼ୁଗ୍ଜି ବେଣ୍କିନି ସବାତ କୁକ୍ଚି ସମାନ୍ ଇମ୍ଣି ସମୁତ ହେ ହୁକା ହସି ମାଚାତ୍, ହେୱାର୍ତାଂ ବୁଜାଆତାର୍ । 8 ତା ପାଚେ ହେୱାରିଂ ବେତ୍ଲିହିମ୍ ଗାଡ଼୍ଦ ପକ୍ଚି ଇଚାନ୍, "ହାଲାଟ୍ ହେ କାଡ଼୍ଦେଂ ହାର୍ କିଜ଼ି ଦାହାଟ୍ ଆରେ ତାଙ୍ଗେଙ୍ଗ୍ ହୁଡ଼୍ତିସ୍ ନାଙ୍ଗ୍ ୱେଚ୍ଚାଟ୍ ଆନ୍ ପା ହାଲ୍ଜି ତାଙ୍ଗେଙ୍ଗ୍ ପୁଜା କିନାଙ୍ଗ୍ ।"
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)