1 ପାଉଲ୍‌ ଇସ୍ୱର୍‌ତି ବାଚିକିୟାତି ଆଡ଼ିୟା ଆରି ଜିସୁ କ୍ରିସ୍ଟନି ରୱାନ୍‌ ପକ୍ୟାତାକାନ୍‌, ପାର୍ତିତାକେ ମେହାବିଡ଼ା ଇସାବେ ହାତ୍‌ପା ମାଜ଼ି ତିତସ୍‌ ତାକେ ଆକି ଲେକିକିନାନା; 2 ଆରେ ୱିଜ଼୍‌ୱି କାଡ଼୍‌ତାଂ ଇସ୍ୱର୍‌ ମାଙ୍ଗେଙ୍ଗ୍‌ ଇ ଜିବୁନ୍‌ ଦାନ୍‌ କିଦେଙ୍ଗ୍‌ ବାର୍ସି କିତାନ୍ନା ଇସ୍ୱର୍‌ ମିଚ୍‌ ଇନାକାନ୍‌ ଆକାୟ୍‌ । 3 ସମାନ୍‍ ୱେଡ଼ାଲିଂ ଇ କାବୁର୍‌ ହେୱାନ୍‌ ହପ୍‌ତାନ୍‌ନା । ହେ କାତା ସୁଣାୟ୍‌ କିନି ଦାଇତ୍‍ ମା ମୁକ୍ତି ହିଦ୍‌ନି ଇସ୍ୱର୍‌ତି ବଲ୍‌ ଇଦାଂ ସୁଣାୟ୍‌ କିଦେଂ ନାଙ୍ଗେଙ୍ଗ୍‌ ଦାଇତ୍‌ ହିତ୍‌ତାନ୍ନା ।

4 ✝ ୧:୪ ୨କରନ୍ତିୟ ୮:୨୩; ଗାଲାତିୟ ୨:୩; ୨ ତିମତି ୪:୧୦. ତିତସ୍‌ ନା ସିଦାସାଦା ପାର୍ତିନି ମାଜ଼ି ଆବା ଇସ୍ୱର୍‌ ରକ୍ୟାକାରିୟା ଆରି, ମା ମୁକ୍ତି କିନି କ୍ରିସ୍ଟ ଜିସୁତି ତାକେ ଦୟା ଆରି ସୁସ୍ତା ମି କାଜିଂ ଆୟେତ୍‌ ।

5 ୱିଜ଼୍‌ୱିତି କାମାୟ୍‌ ସବୁ ୱିସ୍ତେଙ୍ଗ୍, ଆରେ ନା ବଲ୍‌ ଇସାପ୍‌ତାଂ ସବୁ ଗାଡ଼୍‌ଦ ମଣ୍ଡ୍‌ଲି ପ୍ରାଚିନାର୍‌ ବାଚି କିଦେଙ୍ଗ୍‌ ଆନ୍‌ କ୍ରିତିତ ମିଙ୍ଗେଙ୍ଗ୍‌ ପିସ୍ତି ୱାତାଙ୍ଗ୍‌ ନା ହିକ୍ୟାଙ୍ଗ୍‌ ଏତୁ କିୟାଟ୍‌; 6 ✝୧:୬ ୧ ତିମତି ୩:୨-୭.ଇମ୍‌ଣି ମୁଣିକା ଦସିଆକାୟ୍ ଆରି ରଞ୍ଜେଲ୍‌ କଗ୍‌ଲେନି ଆଣ୍ଡ୍ରା, ହେୱାନ୍ତି ମେହିର୍‌ ପାର୍ତି ଆନାକାର୍‌ ଆରି ବାନ୍ୟା ଚିନ୍ତା ବିସ୍ରେ ନିନ୍ଦା କି ଅମାନ୍ୟା ଆକାୟ୍‌, ହେୱାରିଂ ବାଚି କିୟାଟ୍‌ । 7 ଇନାକିଦେଂକି ମୁଣିକା, ଇସ୍ୱର୍‌ତି ଇଲ୍‌କାର୍‌ନିୟା ଲାକେ ଦସିଆୱାଦାଂ ମାନାତ୍‌; ହେୱାନ୍‌ ଜାର୍‌ ମାନ୍ତ ତାଙ୍ଗୁନ୍‌ କି ଟାକ୍ରି କି ମଦ୍‌ୱା କି କୁର୍ଲିୟା କି ଦନ୍‌ଲାବ୍‌ଡ଼ି ଆହାକିୱାଦାଙ୍ଗ୍‌; 8 ମତର୍‌ ଲକ୍‌ସସ୍‌ ବିସ୍ରେ ଜିଉନନାକାନ୍‌, ହାର୍ଦିବୁଦି, ନିୟାୟ୍‌ ନିକାନ୍‌, ହୁଦାର୍‌ ଆରି ହାର୍‌ଦିବେରଣ୍‌ କିନାକାନ୍‌ ଆୟେର୍‌, 9 ଆରେ, ଇନେସ୍‌ ହେୱାନ୍‌ ବାନ୍ୟା ହିକ୍ୟା ହିଜ଼ି ୱାରିକିୟ୍‌ କିଦେଂ ଆରି ପାକ୍ୟା ହିଲ୍‌ୱାକାର୍‌ ଲେତ୍‍ତେଂ ଆଡ୍‌ନାନ୍‌, ଇଦାଂ କାଜିଂ ପାୟାତି ହିକ୍ୟାତାଙ୍ଗ୍‌ ପାର୍ତି ଜଗ୍‌ କାତାତିଂ ଡାଟ୍‌ କିଜ଼ି ଆହେର୍‌ ।

10 ଇନାକିଦେଂକି ବେସି ଅମାନ୍ୟା ମାନାୟ୍‌, ଆହାର୍‌ କାତା ଇନାକାର୍‌ ଆରି ମିଚ୍‌ୱା ମାନାୟାର୍‌ ମାନାର୍‌, ମୁଡ଼୍‌କିଜ଼ି ସୁନ୍ନତ୍‌ ପାୟାତି ମାନାୟାର୍‌ ବିତ୍ରେ ମାନାର୍‌; 11 ହେୱାର୍‌ତି ୱେୟ୍‌ ମୁକ୍‍ନାକା ମାନାତ୍‌ । ହେୱାର୍‌ ବାନ୍ୟା ଦାନ୍‌ଲାବ୍‌ କାଜିଂ ମିଚ୍‌ ହିକ୍ୟା ହିଜ଼ି ର କୁଟୁମ୍‌ତିଙ୍ଗ୍‌ ବାର୍ତିରଚେ ହାଜ଼ି ବାଙ୍ଗାୟ୍‌ କିନାର୍‌ । 12 ହେୱାର୍‌ତି ରୱାନ୍‌, ହେୱାର୍‌ତି ଜାର୍‌ ଜାତିନିକାନ୍‌ ରୱାନ୍‌, ବେଣ୍‌ବାକ୍‌ଣାୟ୍‌କିନାକାନ୍‌, ଇଚାନ୍ନା, କ୍ରିତିୟନିକାର୍‌ ନିତ୍ରେ ମିଚ୍‌ୱାର୍‌, ଡାର୍‌ୟା ଆରି ଆଡ଼୍‌ସିୟାର୍‌, ବାତ୍‌ୱା ଆନାର୍‌ । 13 ଇ ସାକି ହାତ୍‌ପା ଆନାତ୍‌ । ଲାଗିଂ ହେୱାର୍‌ ଇନେସ୍‌ ଜିହୁଦିର୍‌ ହାନ୍ଦାୟ୍‌ କିନି କାତା ଆରେ ସତ୍‌ ତାକେଣ୍ଡାଙ୍ଗ୍‌ ମାସ୍‌ଦି ମାନି ମାନାୟାର୍‌ ବଚନ୍‌ କାଜିଂ ମାନ୍‌ ଦ୍ୟାନ୍‌ ହିୱାଦାଂ ପାର୍ତିତ ବପୁ ଆଡ, 14 ବଲ୍‌ କାଜିଂ ମାନ୍‌ଦ୍ୟାନ୍‌ କିୱାଦାଂ ପାର୍ତିତ ବାଡ଼୍‌କାସ୍‌ ଆନାର୍‌, ଇଦାଂ କାଜିଂ ଜିହୁଦିରିଂ ଡାଟ୍‌ ବାବ୍ରେ ଲେତାଟ୍‌ । 15 ସକଟ୍‌ ମାନାୟାର୍‌ କାଜିଂ ୱିଜ଼ୁନେ ସକଟ୍‌; ମତର୍‌ ପାପ୍‌ୟାର୍‌ ଆରି ପାର୍ତି କିୱାକାର୍‌ କାଜିଂ ଇମ୍‌ଣାକା ବିସ୍ରେ ସକଟ୍‌ ଆକାୟ୍‌, ଆୱିତିସ୍‌ ହେୱାର୍‌ତି ମାନ୍‌ ଆରି ବାବ୍‌ନା ରିଣ୍ଡୁ ଗାତ୍ରା । 16 ହେୱାର୍‌ ଇସ୍ୱର୍‌ତିଂ ପୁନାର୍‌ ଇଞ୍ଜି ମାନିକିନାର୍‍, ମତର୍‌ ହେୱାର୍‌ତି କାମାୟ୍‌ ହୁଦାଂ ଇସ୍ୱର୍‌ତି ପାର୍ତି କିଉର୍‌; ହେୱାର୍‌ ଗିଣ୍‌ ଆରି ଉର୍ଜି ଆରେ ସବୁ ହାର୍‌ଦି କାମାୟ୍‌ତ ଜଗ୍‌ ଆକାୟ୍‌ ।