1 ए मालख्यों, जिव जिवोअ पावरोअरी न्यायनिवाड़ू आन वारुहूं वेवारो कोआ, ओं समजीत कोइत के होरगामेहें तुमाआं बी एक मालिख होय.
थोड़ीक वेवाराआ गोठी
2 प्रार्थना कोअते रोवा, आन धन्यवाद कोअते जात तियारीजमेहें रोवा; 3 आन तेहेलाजमेहें आमाअ कोअते बी प्रार्थना कोअते रोवा, कि देव आमाअ कोअते वसन उनाड़ीलोअ एहेलोह बाअणो उगाड़ी देअहूं जोवे, के आमू ख्रिस्ताआ एहेलिही निकाअली गोठी कोत सेको जियाअ वाखरी आंय जेलेम होय. 4 आन ते गोठी एहेलिही कोता आवड़ुहूं जोवे के, जेहेंकोइत माहूं कोअलोअ होय.
5 वेल ओलखीत कोइत बिगर विश्वासीइरी ओकल वापरीत कोइत काम कोआ. 6 तुमाआं बाशण सादाज गोमे एहलोहो आन होवादो जोवे मोन्ज्ये हारेक माहुंहूं बोराबर उत्तर आपता आवड़ुहूं जोवे.
आखरीइ सलाम
7 आमाअ मेरालू पाही आन इमानदार सेवक, तुखिकुस4:7 प्रेशित 20:4; 2 तिम 4:12 जो प्रभुउ कामोमेहें माआं हेंगात्यु होय, तो माआं आक्खी गोठी तुमुहूं कोत आपी देय. 8 तियाहा आंय एताआ काजे तुमाअ जागे मोकल्युहू के तुमुहूं आमाअ दशा मुंदू ओत जाय आन तो तुमाअ मोनोहों होक देय.4:8 इफिस 6:21,22 9 तियाआ आरी आंय उनेसिमुसोह बी मोकल्युहू जो इमानदार आन मेरालू पाही आन तुमाज मेर्युउ होय; ए तुमुहूं इहींइं आखी गोठी कोत देखाड़ी देय.
10 अरिस्तर्खुस, जो माअरी जेलेम होय, आन मार्क जो बरनबासोअ पाही लागेहे जियाअ बाप्तिमेहें तुमुहूं आदेश मिल्युतो के जर तो तुमाअ जागे आवे, ताहां तियाअरी वारुहूं सालजा. 11 आन ईसु जो युस्तुस कोत ओलखीइतेहे, तुमुहूं सलाम कोअताहा. खतना कोअल्या माअहूंमेहें रोत फक्त एताज जोओं देवोअ राज्याआ कोअते माहूं मदत कोअयी, आन होक आप्यू
12 एपफ्रास4:12 कलस्से 1:7; फिले 24 जो तुमामेर्युउज आन ईसु ख्रिस्ताआ सेवक होय, तुमुहूं सलाम कोहे, आन कायम तुमुहूं प्रार्थनामेहें ईतविलाअ कोशित कोअहे, एता कोअते तुमू पाक्के ओत कोइत पुरा विश्वासोअरी देवोअ इश्शा पोअ मजबुत रोअहुं जोवे. 13 आंय तियाआ साक्शी होय कि, तो तुमाअ कोअते आन लौदीकियावालां आन हियरपुलिसवालाआं कोअते वोडी मेहेंनत कोअतू रोहे. 14 मेरालू डाक्टर लुक आन देमासोअहीं रोत तुमुहूं सलाम.
15 लौदीकियावाला पायहोंहों, आन नुम्फा आन तियांआं कोर्यीइ मंडड़ीही सलाम कोजा. 16 ताहां एहें कोअजा के ओं पत्र तुमाअ जागे वासीत लेहा ताहां, लौदीकियाअ मंडड़ीम बी वासे तेहें आपी देजा, आन जो पत्र लौदीकीयाम रोत आवे तो तुमू बी वासजा. 17 आन अर्खिप्पुसोहो कोजा के, "जे सेवा प्रभुमेहें ताहूं होपी देदीही हाजी हुतायी पुरी कोअजी."
18 माआं सोताआ आथोवाअहीं आंय ओं लेखोहो, पौलुसोअ तरफ से सलाम, माअ बेड़ीही इतविइजा, देवोअ मेरवानी तुमाअरी ओवती रोय. आमेन.